مشكلتي مع امي ادخلوا يالحكيمات
السلام عليكم ورحمته لله وبركاته .. كيف حالكم .. ان شاء لله تكونو بخير .. قبل لا ابدا يمكن للي انا قاعده اقوله ماتكون مشكله بمعني المشكله ...انما هي خلافات بوجهات النظر .. ولكن لان امي غاليه علي .. ولا ابغي لها حرقت هالدم علشان كذا انا كتبت لكم وابغي حل .... امي ياطويلات العمر .. مشكلتها انها مو مقتنعه بوضعها .. ولا حياتها .. دايم تندب حضها .. مع اني اشوف حضها الحمدلله .. عندها عيال عندي زوج عندها بيت مستقله .. ابوي حبيب معها مايرد لها كلمه .. بس ولله حيرتني مدري وش تبغي .. بصحتها ولله الحمد يعني تشتكي من بعض الامراض بس خفيفه الحمدلله .. بس كل الامور ماتملي عينها .. انا اذا جلست معها دايم تحسسني بالنقص .. بزوجي . باولادي ..بحياتي .. حتي خواتي معنا ولله الحمدلله مستقرين نوعا ما عندنا عيال ولله الحمد امورنا حلوه علي كل حال .. لله يهديها لما اجلس معها فلانه عيالي طيبن وكريمين .. واخوانك مافيهم خير.. فلانه حضها كبير .. فلانه بناتها ازواجهن احسن الازواج ( مع العلم ان ازواجهم لامهندسين ولادكاتره يعني مثل حالتنا بس امي تشوفهم احسن ) فلانه عندها بيت تطرد به الخيل .. فلانه تسافر .. فلانه زوجها يطيعها مشيته علي كيفها وفلانه وفلانه وفلانه .. لين نقوم ونروح لبيوتنا وانا اتاثر بكلمها .. اكره زوجي وبيتي وعيالي لانهم مو زي فلانه للي امي معجبه فيهم وبحياتهم .. من جد هالوضع ماثر فيني .. واذا نصحتها وقلت لله يرزقهم .. لله يوفقهم .. تسكت وتنقص من قدرنا كثيييير بكل شي بشغلنا بحياتنا .. بقدرتنا .. يعني لو وش نسوي ماتشوف ولا عمرها مدحتنا .. بس المدح لفلان وعلانا .. ( ادري انها امي وحق واجب اتحملها ) انا ماقول غير هالكلام بس ولله من جد تثير عندنا الرغبه بعدم الرضاء بالموجود .) وش الحل ياحكيمات تكلمت ونصحت ونعزلت بس مافيه فايده .. امي طبعها قاسي للي مو معي يعني ضدي 😥