شاركي في النقاش

سجلي الدخول لإضافة تعليق.

التعليقات

72
  1. @almstshar_1

    الظاهر اغلب الرجال مايحبون يعتذورن ويعترفون بالخطا والمشكله اذا كان زعلان ومبوز من شي ثاني ويقلب عليك انتي بدون سبب يطنشك ويعصب واذا زعلتي يعصب يقول خليك طبيعيه

    طيب انتي انسانه لك مشاعر واحاسيس وخصوصا اذا كنتي متعلقه فيه وماتقدرين على زعله

    وتغيره ايش الحل !! والله الرجال مامنهم الا عوار وتعب القلب :(

    وفعلا ردود فعلهم تتغير في كل موقف يعني يمكن مره يعجبه تصرفك ويرضى فيه

    والمره الثانيه تلقيه مو عاجبه !!

    وانا من رايي ان كل وحده عندها مفتاح تدخل عليه لزوجها ,, اذا كان من النوع يتأثر من

    الكلام بالرسايل ارسلي مسج وعبري فيه وهذا مجرب والله ,, واذا يحب تبيني له انك تعبانه

    ومتضايقه بس طبعا بدون صوت عالي وخناق سوي هالشي ,, اهم شي تكوني هاديه في كل

    الاحوال ,, وربي يصلح الاحوال يارب ويهدي الازواج لزوجاتهم
  2. @ghrshob_raabob

    العامريه
    كثر الزعل يملل الرجل من زوجته انتبهوا يابنات اقولكم من خبرة سنين طويله.. خوذوا موقف من الغلط خاص اذا كان كبير بس نوعوا الطرق..<< كيدهن عظيم :) مره زعل..مره تجاهل..مره برود وثقل.. وكل وحده وشخصية زوجها .. العصبي يموت من التجاهل والبارد بيطن…
    اختي العامرية صح كلامك 100% لانه الرجال مهما كان اسلوبك في الزعل حلو والا صعب بارد او حار اذا بتزعلين على كل شي يمل ويطفش عشان كذا خواتي لا تدققون الاشياء اللي تقدرون تمشونها مشوها وصدقوني هو كل شي عاده يعني قبل كنت على كل شي ابوز وازعل واسوي منها سالفه وهو مره يطنشني ومره يراضيني بس بعدين بفضل من الله ثم بنصايح الاخوات في هالمنتدى الكريم صرت ماادقق وامشي وافرفش واحاول اني اخلي يومي كله ضحك وسوالف او حتى مجرد اني استقبله بابتسامه صدقوني اللحين ماقدر ازعل اصلا مايعطيني فرصه خصوصا على الاشياء التافهه يعني ماقولكم مايصيربينا زعل لا اكيد نتزاعل بس ازعل على الاشياء اللي بالفعل تستاهل الزعل وامشي الباقي
    اللحين لو بزعل او بمعنى اصح ابوز :22: على طول تجيني ضحكه اول مايقعد يسوي لي حركات او يطالعني :hahaha: <<< يسبل لي عيونه ويقص علي شو اسوي خخخخخخخخخخخخخخ
    فلو عودتي نفسك وزوجك على الهدوء والمرح واخذ الامور ببساطه صدقيني هو بيتعود حتى لما تتناقشون ويبدا يصارخ قولي له بكل هدوء انزين ليش تصارخ نحن نتناقش مب نتضارب او نتهاوش :)
    هو على طول بتلقينه يضحك ويوطي من نبرة صوته بس لو هو علا صوته وانتي عليتي بيتحول النقاش لمباراه منو يوصل صوته الشارع قبل :09:
  3. @mnoolh_1

    غرشوب رعبوب لو اني متزوجة ابو الهول كان بيسألني ليش زعلانة بس زوجي مستحيل..
    صار لي متضايقة و مكتئبة اكثر من اسبوع ومع ذلك ما سألني هو لما يكون عارف نفسة شمسوي يسكت....:(
    وكل ما طنشني ازعل اكثر ... والحل يا جماعة ؟؟؟؟



    على فكرة انا اول ما تزوجت كنت ازعل بسرعة بس بعدبن اكتسبت مناعة و صرت ما ازعل الا نادرا و اغلب الاحيان اعدي و اطنش بس يا جماعة لابد من الزعل بين و فترة و فترة ولا تصير الحياة مالها طعم............
    بس المهم نلقى الي يراضينا و يدلعنا.......

    يا عااااااااااااااالم نفسي ادلع و القى الي يدلعني ...............
    :06:
  4. والله يابنات نفس الحالة..
    مرة سألت حق استشارات اسرية عن الموضوع فقال لي:
    المفروض من الايام الاولى يكون ف اتفاق بينكم (اذا زعلتك تراضيني واذا زعلتيني تراضيني)
    ومب لازم انتي دايم اللي تبدين بالمصالحة..
    عاد مين بيطبق؟!

تابعي تجارب أخرى من هذا القسم.