الضالم طاح في شر اعماله

الله يسر امرك

والله اني اتمنا اتخلص منه بطلاقي بس وش اسوي اهلي ذابحيني يقولوا ماعندنا بنات يدخلوا محاكم وسمعت بناتي ومافيه حل الا الورقه الي في ايدي اهدده علشان يطلق وانا بس تهديد لاني مابغاه ينفصل وينرمي هو وعيالي في الشارع من وين له علا كل الي سواه فيني بس باقيله حب في قلبي وذكريات مره وحلوه  وعشره طويله واهو نغس الشي رافض يطلق لانه مو مصدق انه ماعاد بيشوفني طول حياته وقال لبنتي حتا لو انسجن وانفصل مارح اطلقها وبتقعد زوجتي طول حياتي 

سبحان الله االظالم وله نهايه


اسسسسجدي لربك شكر انه نصرك .. وخليه يتبهذل في الشرطه وينفصل من وظيفته


هذي سوايا يده .. محد تبلى عليه .. وهو اللي خرب حياته بنفسه


زي مايقول المثل ( جنت على نفسها براقش )


ومن كذا واردى ان شاءالله .. يعني يبهذلك انتي وعيالك ومايعرف الحق والعدل ويوم ربي انتقم لك منه ترجعين له


قولي لبنتك هذا ابوكم ايه .. لكن ماعاد هو زوج لي .. وألزم ماعليك راحتك النفسيه ثم راحتك النفسيه


الباقي عطيهم طاااااااااااااااااف


وفيه شغله صغيره بقولها وتقبليها بصدر رحب :


لاتسوين حفله طلاق وتخليها رمزيه في الواتس .. مب عشانه الحقير


لكن عشان بناتك .. ترا والله بكره لاكبروا وتزوجوا بيلقون من يعايريهم


وبيدقونهم بالحكي وويغثوونهم .. وببتفتحين على بناتك باب


عشااان هالبنيات ومستقبلهم بلاش الحفله


بإمكانك تطلبين قاتوه اللي يسوونه في حفلات الطلاق واحتفلي مع اهلك بس .. وصوري حفلتك وارسليها له هو ( واتساب ) واكتبي اليوم اسعد ايام حياتي يوم فارقت وجهك الوصخ .. ولو تكتبين على القاتوه اليوم أطربت الدنيا فرحا لي


والله يعوضك في عيالك وبناتك ويرزقك برهم

كل مظلوم وله رب ينصره
بس يا اختي باقول لك نصيحه كل شي الا الشماته لا تتشفين فيه وتفرحين بنصر الله فيه
صدقيني الشماته تروح وترجع على راعيها
سبحان الله قصتك ذكرتني بوحده ظلمتها ام زوجها وزوجها وقف مع امه وكان ظلم وقذف حسبي الله فيهم
ومرت الايام ونسيت الام ظلمها لزوجة ولدها وانها خربت حياتها وكلها اشهر وطاحت العجوز مع درج وانكسر ظهره وجاها ورن فالدماغ وكرهوها عيالها ولا يزورونها فالمستشفى 5 اولادها وبناتها 3 ولا احد يدخل عليها اخرها تصيح وتقول انا ظلمت فلانه ودعت علي وهذي دعوتها خلوها تسامحني

الله ينصر كل مظلوم ويسعدك اختي متمرده

طالما في قلبك له شي انصحك تهدين الموضوع شوي وتحطين مشاعر الحقد والغضب على جنب .. لان قراراتك بتكون غلط وتندمين عليها طول عمرك

اجلسي بيت اهلك شوي اسبوعين اربعه او شهرين بدون ماتراسلينه او تاخذين اخباره من عيالك او تجيبين سيرته لان الطلاق والانفصال بيكون كذا كل واحد بطريق ماعاد في مراقبه واخبار صح ؟!

اذا قدرتي تتحملين وشايفه ان قلبك ماعاد فيه شي له سوي اللي تبين

تذكري انتي الحين في موقف قوه ، وهو بموقف ضعف
تقدرين ترجعين لزوجك بشروط تخدمك وتعزك وتجلسين ببيته حاطه رجل على رجل ويحسب لك الف حساب لان ماعاد له احد غيرك

ماتدرين يمكن اللي حصل معه كسره وخلاه يعض اصابع الندم ويمكن لما ترجعين تشوفينه كيف صار انسان ذليل ومايقدر يعارضك على شي او يسيء لك

انتي لا تستعجلين وقرارت الغضب كلها غلط
لانك تبحثين عن الانتصار واذا انتصرتي في هالمعركه وحصلتي على الطلاق بتجلسين وحيده ومعك وقت تفكرين بالواقع بمنطق ورواق وقتها الله اعلم ايش بتكونين خسرتي او كسبتي ..

انا كتبت هذا الرد لانك ذكرتي قلبك فيه شي له من ذكريات وحب .. فهذا يعني ان حماقته وسوء تعامله حالياً هو اللي طاغي بمشاعرك ومو قادره تشوفين الحب والموده ماتنلامين

الله يشرح صدرك وييسر امرك