زوجي صآآآآر شخص لآ يطآق!!!!!

شكلك من النوع اللي ياخذ راس الكلام ويحذف الباقي وهذا شي واضح من ردك الهجومي واستخدامك وصف غنم !!

كل اسبوع اللي هو الويك اند يكون زيارات للاهل والاقارب اطفالها يلعبون مع اطفال بعمرهم ويتعرفون عليهم ، وهي برضوا تواصل اقاربها واهلها ، او يكون مقاضي او اسواق او مشغل للحاجه

اما مسأله كل ويك اند رسمي وواجب تتمشى بحديقه او مطعم او تفرفر بالبلد ما اظن في ناس كذا فاضيه لا اهل ولا التزامات !!


الانسانه الفاهمه تعرف مسؤليات الحياه وواجباتها وترتبها حسب الاولويات الضروريات ثم الثانويات

والاخت كاتبة الموضوع معترفه ومفتخره انها تلوعه والتلع هذا يعني انها تخرج كل يوم تتمشى لو مشوار بالسياره اهم شي ماتجلس بالبيت !!

وبابا جاب لها سواق خاص عشان التلوعات مايحبون احد يرفض لهم طلب

ماتدري انها كذا فتحت باب على نفسها زوجها بالتدريج راح يعتمد على اهلها بالمصروف ثم المشاوير وبتكون هي مجرد زوجه للفراش

اعذريني ياكاتبة الموضوع لكن انتي لسه مانضجتي ولسه تفكيرك سطحي عن الحياه الزوجيه انتبهي لنفسك واقرأي وتثقفي عشان مايجي يوم تندمين بسبب انك عشتي في بيت اهلك مدلله ماينرفض لك طلب وتظنين ان الزوج بيكون مثل اهلك

الله يصلح حالكم

طيب اهم شي الصحه والعافيه اذا انتي تبينه بس زي السواق والصرافه عاد هذا شي ثاني دام انه طيب معك وأخلاقه محترمه فاصبري ترى مو كل الحياه طلعات وروحات وجيات صحيح الواحد لازم يغير بين فتره وفتره بس الشكوى لله الواحد يتغير مع الزمن يمكن مضغوط مادياً ومايبي يقولك يمكن نفسياً ومايبي يقولك عشان كذا يعصب ويتنرفز ونصيحه اختي دلوعه ومدللله هذي عند اهلك الزوج يدللك ويكرمك بس لك مسئوليات مو طول الوقت تبينه يدلعك مثل اهلك الزوج غير لك مسئولياتك وهو مسئولياته يعني لاتقارني عيشتك عند اهلك بعيشتك عند زوجك اذا بتقارني ماراح تعيشي بسعاده ولاتحاولي تدخلي اهلك او أهله في مشاكلكم خصوصا المشكلة نوعا ما صغيره وتافهه يعني مو مشكله خيانه او ادمان او او يعني بالطيب تقدرين تتعاملين معاه مره مرتين يرضخ ويسوي لك اللي تبين زي مايقولون كثر الدق يفك اللحام وقارني حياتك بحياه غيرك من اللي هنا بالمنتدى وبرى المنتدى يمكن تشوفين ان حياتك افضل من غيرك وأحمدي ربك واشكريه على نعمه الصحه والعافيه والزوج والبنوته وربي يسخره لك ويهديه

لآ صراحه انتوا اللي مع كامل احترامي ماعندكم غير خلفية انكم المفروض تكونوا مجرد جاريات لازواجكم تخدمون وتخرجون عند اهله أو اهلكم وزوجك عادي يطلع يرفه عن نفسه بحجة إن هذي هيه الحياه الزوجيه.. وبالنسبه للأخت اللي تقول الرجال اللي يحب الخرجات مابتلاقينه غير فامريكا!! لآ يا ماما مو شرط انا اخووياا اررربع وعشررين ساعه وهوا وزوجتو طلعات وروحات وجيات وفوق دآ كل أسبوعين وهما فدبي وأختي مآ شاء الله مع زوجها كل مآ اتصل عليها وينك انا برا ومافيه اجازه إلا تقضيها برا السعوديه!! لا ياحلوه فيه رجال فاهمين وعارفين أن المرأه لها حق ومو مجرد خدامه.. واللي تقول والله سيبي التلع على جنب والله التلع على قولتك زينة البنت وحلات التلع لمن يكون من حبيبك اللي هوآ زوجك مو بس من بابتك ومامتك.. دآ أكبر دليل على انكم عايشين زي الخدم لازواجكم.. وعلى فكره اللي تقول أنو بيلاقي غيرك ألف أصلاً هوا كان متزوج وطلق وهوا مادخل عليها بسبب إنها ذكيه وعرفت انه أناني مايحب غير نفسه وانا وأهلي المساكين اكلنا كدبو على راسنا مع انو مآ شاء اهلوا ينحطون على الجرح يبرى فيهم طيبه مو طبيعيه مآ شاء الله تبارك الرحمن.. لكن مع الأسف الولد طلع اللي مو كويس لدرجة إني كل مآ اقول ابغا فلوس يقول مآ عندي وما عندي.. وعلى فكره زواج القاصرات اللي تتكلمون عنو نفسه زواج وحده عمرها 25 سنه لأنه أهم شي العقل مو العمر فيه ناس كبيره بعمرها وصغيره بعقلها.. وأنا لمن كتبت الموضوع قلت ابغا حلول ماقلت ابغا انتقادات شعب عايش على الجاهليه 

اخت عواطف انتي قريتي الموضوع ؟
تقولك مايخرجها ولا حتى يوم واحد في الاسبوع ومايصرف الا بالمضاربه ،،
وهي ماطالبته كل يوم تخرج ،، تبغى يوم واحد ،،
وهو يومياً يخرج يتمشى مع اصحابه!
والاطفال يحتاجو يطلعو في الويكند لمكان مفتوح او حديقه يخرجو فيها طاقات وينبسطو ويلعبو ويشوفو العالم وتتوسع مداركهم ، اما خرجتهم للاهل يعني من بيت لبيت ماسوينا شي وهم محبوسين طول الاسبوع ،،
نظام الشقق مرض للطفل ولازم يطلع يغير جو ويلعب والزحاليق والالعاب المجانيه في كل الحدايق وفي كل مكان ،،
انا اشوفها من ابسط حقوق الطفل مو سياره بيت سياره ،،
وانا اتكلم عن الطفله لانك موشايفه ان من حقها تخرج وتغير جو لو مشي في حديقه او طلعه بسيطه او عصاير مع الاطفال وجلسه عائليه خارج البيت ،،
اهم شي جالسه في البيت تاكل وتشرب وتستقبله اذا خرج من عند اصحابه بابتسامه،،
اذا انتي ماتحتاجي وماتشوفيه شي ضروري خرجه وشمة هوا لو يوم واحد في الاسبوع وتعتبريها كل شهرين كفايه فهذي حريه شخصيه ،،
مدلعه لو انها كل يوم خارجه اسواق وكل يوم لازم تتمشى ، لكن انها تخرج مره وحده في الاسبوع من ابسط حقوقها وحقوق اولادها انهم ماينكبتو ،،
اليوم عندها طفله بكره كومة اطفال اذا ماخرجو جلسو في البيت تكسير والرجال يتعود ع الانانيه خارج داخل وعياله في البيت مايخرجو الا في العيد ،،
الغالب زعلو لما قالت انا دلوعه وطلباتي عند اهلي مجابه وهذا شي عادي ذكرت حقيقه وماطالبته انه يخرجها يومياً طلبت اساسيات صرف وشمة هوا ،،
عموماً اختلاف وجهات نظرنا ماراح يفيد صاحبة الموضوع ، انا اشوف طلباتها بسيطه جداً ،،
ومااتخيل احد يجلس شهرين ثلاث شهور في البيت ومايطلع حديقه او مكان عام يغير جو مع عيلته خصوصاً لو فيه اطفال مساكين وش ذنبهم في هالحبس ؟
اتحاملتو عليها لانها قالت دلوعه وجابت طاري الطلاق واعتقد ماذكرت الطلاق جدياً بس لحظة زعل اثناء الكتابه ،،