السلام عليكم
صباح/مساء الخير
انا عضوه جديده بهالمنتدى بس طبعا متابعتكم من زمان واحب هالموقع كثير بطرح عليكم مشكلتي انا بنت متزوجه جميله الحمد لله طيوووبه مره وم في عندي عداوات مع اي شخص تزوجت قريبي وكان في مشاكل بين عائلتنا وعائلتهم واحس انهم م يحبوننا عشان كذا احس تنقص ثقتي بنفسي كثير اذا جيتهم احيانا ارتبك م اعرف اتكلم عندي احساس اني مهمشه بينهم رغم ان مافي تصرفات صدرت منهم ضدي ابد بس كذا احساس داخلي احيانا اعرق لما اتكلم احس مالي شخصيه ابد وثقتي بنفسي تصير صفر اتكلم بسرعه احاول اخلص سالفتي بسرعه ارتبك م ادري ليش كذا دائما احس سوالفي ممله اضحك احيانا على اللي يسوى واللي مايسوى والشي يضايقني وبهالفتره احس تفكيري دائما مشتت خصوصا اني حامل هل ممكن يكون الحمل هو السبب وطبيعي والا لا ؟
انا ودي اغير من نفسي ودي اكون واثقه ولايهمني احد وشخصيتي قويه
انا فيني مميزات حلوه الحمد لله بس نقطة ضعفي هالنقطه انقهر من نفسي ودي اغيرها للافضل ودي احس ان الناس اللي حولي يحبوني ويعزوني ويقدروني
اشوف بنات اقل من بالشكل ومع ذالك ثقتهم ب انفسهم تكسر الصخر ماشاء الله
انا بحياتي العامه بالعكس احس ثقتي حلوه وتزيد بس عند هالعائله مدري ليش
وش الحلول اللي تشوفونها لمشكلتي وانا بحاول اطبقها بإذن الله
شاركي في النقاش
سجلي الدخول لإضافة تعليق.
التعليقات
4- هلا اختي
اول شيء لما تجيب تتكلمين تكلمي بهدوء وصوت واضح
ولازم اذا كنتي تتكلمين مع شخص ركزي نظريك في نظره
ولا تتوترين ولا حاجة خليك واثقة بنفسك ما عليك من أحد حبوك أو ما حبوك عااادي
بعدين اختي كيف تحكمين انهم ما يحبونك وأهم ما صدرت منهم أشياء غلط كيف حكمتي عليهم
اما لما تشتتين والله ما عندي فكرة أن شاء الله الأخوات يفدونك
لا تنسين لما تتكلمين الهدوء ... الهدوء أهم حاجة
وربي يوفقك - ربي يسعدك غدوش
افكار سلبيه مسيطره علي ان شاء الله بتخلص منها - رفع
- والله اشوف هالزمن الطيب ما يحبوه والشرير يفضلوه، والي يتكلم بصوت هادي ما يحترموه والي يتكلم بصوت عالي يحترموه،
مواضيع مشابهة
تابعي تجارب أخرى من هذا القسم.