مشكلتي مع هالزوج 😔

السلام عليكم ورحمه الله ..
مادري من وين ابدأ لكن الشكوى لله هو قادر يحل مشكلتي انا اللي ابي منك تنصحوني يمكن اني اجهل في الحياة الزوجيه او في التعامل مع الزوج لكن مشاكلنا ليس كل الغلط مني فهو يتحمل جزء كبير منها 
مشكلتي هي الجوال 
زوجي اكثر وقته علي الجوال وعلى الواتس تحديداً اربع وعشرين ساعه 
اول ما يصحى عا طول عليه وقبل النوم ووقت الطلعه ووقت جلستنا يعني شي يممل غصب عنك 
ويداري اصحابه بشكل ماتتخيلونه 
وعلى الاشياء اللي يتراسلون بينهم بين من مقاطع فيديوهات قله حياء وصياعه وصور لبنات جميلات  وكل شي وانا ادري فيه وساكته واوقات ما اتحمل وانفجر هواش ويحلف انه مافي من الكلام اللي اقوله وياليت ماحلف( لاني افتح جواله واشوف بعيني) 




وقبل فتره  يمكن شهر واحد من اصحابه عسى الله لايتهنى بحياته مدخل زوجي قروب مع كذا واحد قروب بالواتس اب ومسويه تحديد للاشياء الوسخه من بنات ورقص ومياعه وزوجي مبسووط ويحذف اول باول واكثر الفديوهات انا شفتها وساكته وبالعه جمر وكثير الين جاء الوقت اللي لقيته جالس على القروب وسالته وش ذا القروب قال اصحابي
قلت داريه بس عندكم قروب ثاني مضافين فيه ليه مسوين هذا قال عشان الباقي معقدين 
قلته لا بس عشان الاشياء اللي تونسكم قال الحين اطلع منه وطلع من القروب 
انا وقتها ارتحت شوي لكن ما اخبي عليكم في قروبات ثانيه ترسل مياعه وصياعه
وصاحبه هذا مايوقف رسائل له حسبي الله عليه ونعم الوكيل 
وعاطول مشاكل بسبب هالجوال
لما اشوفه جالس وقت كثير اهاوش ولما يقصر في صوت الفديو بعد اهاوش 
ماعد اتحكم في نفسي عاطول انفجر وهو بعد ينفجر فيني وهواش ويكسر كل اللي حوله 
اخر شي امس كنا جالسين وكان على الفيس بوك جاء مقطع يمكن اكثركم شفتوه
لهند صبري مع البنت الاماراتيه 
شفته موقف عليه ويطلع ويرجع له سألته وش فيك واقف علي هالفيديو 
قال أبي اشوف ايش فيها البنت متهاوشين معها يمكن سارقه شي من السوق 
وماقدرت اشغله خايف تعصبين علي 
قلت وش يهمك في الموضوع 
ماهي من باقي اهلك او يهمك امرها 
اوحاب تتطالع للي لابسه قصير 
انا عصبت مره وتخاصمت معه وهو عصب وقام رمى الجوال وكسره وقال الله يلعن الجوال اللي نكد حياتي وراح للغرفه الثانيه ونام 




الحين كل واحد بغرفه ولانكلم بعض 
زوجي لما أكون ساكته عن جواله ولا اساله عنه يكون مافي أفضل منه زوج معي 
لكن عكس لما نتخاصم ونتهاوش عالجوال يكون سئ معي وحاقد علي 
اهم شي لا اتدخل في هذا الجوال
وأنا مهما كنت زوجه وعندي قلب ومشاعر واغار وخاصه لما توصل له مثل هالفديوهات وينعجب بها
 انا لا اتحمل وقتها واكره نفسي وحياتي 




ساعدوني وانصحوني هل أنا بالغت في المشاكل معه على هذا الجوال 
او اسكت واتغاضى لاجل تمشي الحياة او ماذا اعمل ومنو الغلطان بحق الثاني 
حسبي الله ونعم الوكيل..