الوقت يمر وبعد أسبوعين ماندري وين مصيرنا

السلام عليكم 
انا زوجي طبيب عام ويدور شغل بالرياض في مستشفى حكومي او خاص لانه اشتغل في مستووصف بهذلوه بهذله وهو جدا مخلص ويهمه المرضى اولا وفاهم وصبور و ماتدرون كيف عانا بشغله القديم نحف مرره صار ثاني وقال توبه من المستوصفات وللاسف مالقي شغل تعرفوا الرياض كيف مليانه ولما نزل من شغله القديم حاولت معه يدور برا الرياض ولا الخرج مارضي عشان امه قالت الخرج طريق دينات وتخاف عليه سكر على موضوع الشغل برا نهائي وقعد بالبيت ماخلا مستشفى ما طبه حتى اني ما اطلع ولا اعزم احد عندي مابيه يحس بوحده ولا يجيه هم والمصيبه الكفيل عطاه مهله شهرين ولا ببلغ بلاغ هروب يعني لو مسكوه ترحيل وين نروح والبلاد في حرب باليمن وبعدين غير كلامه وعطاه شهر والحين باقي أسبوعين حسبي الله عليه اكتب والدموع بعيني مالقي شغل في مستشفى ابوه ايده يسافر يدور شغل وامه ساكته يعني ما خافت على ولدها وتقول لا ان شاء الله ماتسافروا هي بس سنة ولا سنتين وبنرجع انصدمت توقعت تخاف على ولدها حتى لو باتفارقه اهم شي مصلحته والحين زوجي مايبي يروح يدور برا الرياض ولا نبي مستوصفات تووووبه والوقت يمر ولا يسوي شي ماغير يقدم بالنت تكفون الي جربوا تبلبيغ الهروب وش يصير عليهم مانقدر ناخره الحين أسبوعين مو بكافيه يدور شغل وينقل كفالة 
لا حول ولا قوة الا بالله يابنات انا متوكله على الله والشكوى لغير الله مذله بس ابيكم تطمنوني قلبي مشتعل خايفه على زوجي وبروده يقتلني وحالتي حاله