سويت هوشه الليله ويه زوجي

تبين حلول !
تخيلي إنو زوجك طلقك طيب
وطليقك اللي تحبيه مارجع لك وبتجلسين طول عمرك كذا مطلقه
والله ساعتها تمنين إنك حبيتي زوجك وعاملتيه بما يرضي الله

تعوذي من الشيطان وأتركي الأفكار والوساوس اللي ماتجيب لك إلا الهم والندم ..

ليش تزوجتي دامك باقي طليقك بقلبك مانسيتيه
بعدين طليقك باعك طلقك مايبيك ولافكر يرجعك وكأنه كان يدور الفكه
وانتي تبينه تدورينه وهذا اللي مراعيك ومتحملك ماتبينه?!
وش هالعقليه ياحرمه يعني انتي ماتبين الا اللي شديد معك ماتبين اللين الحنون غريب امرك
ابلعي العافيه غيرك تطلقوا وماعد تزوجوا او تزوجوا واحد نكدي ومطلع عينها وانتي الحمدلله حظك زين احمدي الله واشكريه كل ماحسيتي بنغزات الشيطان لاتقابلين زوجك قومي توضي وصلي حتي تهدين ولا قومي طبي بالجدران مسحيهم والابواب ونزلي دولاب المطبخ كله غسليهم ونشفيهم ومسحي الدولاب وعقميه وارجعي رتبيهم
شوفيلك شغله تنفعك حتي يطلع زوجك من البيت
الله يهديك بس

لا حبيبتي انا كاتبه في الموضوع الاول انا طليقي حاول يرجعني كم مره وكنت برجع له بس ناس حشو في مخي ورفضته والحين احس بندم اني ما رجعت له هذا اللي متعبني الحين😞

وانا ما قلت ابي ارجع له قلت ابي حل عشان اطلع من اللي انا فيه وانساه

انتي ضميرك انبك عشان رفضتيه بس مو عشانه وقلتي ليه رفضته وهو حاول يرجعني هدا السبب لو هو ماحاول ماكان فكرتي كده اتمسكي بزوجك وتذكري بعض الرجال يعافو طليقاتهم بعد زواجها تعوذي من الشطان فكري بحسنات زوجك وعيشي حياتك

شوفي الان انتي في نظر طليقك مو مثل ماتركك
انتي وحده جربتي وعشتي مع رجال غيره وهذي تفرق مع الرجال
يعني احمدي ربك انك حصلتي زوج وانتي منفصله
البيوت مليانه بنات لم يمسهن رجل وماشاء الله جمال و كمال وماحصلو رجال
وانتي ماشاء الله اخذتي فرصتك مرتين
ومو حلوه الحرمه كل مره في حضن رجال قدام نفسها وزوجها والمجتمع وعيالها مستقبل
اختي لابد فيه تنازلات ومو كل شي نتمناه نحصله ومن رضي له الرضى ومن سخط له ..... ربي يكفيك كل مكروه
اختي اتمنى مااكون قاسيه عليك بس فيه وسوسه تجي للشخص يبغالها وقفه مايبغالها طبطبه ويابخت من بكاني ولا ضحك الناس عليه
أقبلي زوجك هو الذي اخرجك من اسم ودائره المطلقه واصبحتي الان متزوجه وعقلك مع غيره هل يستحق وهل تتمنين لنفسك يكون عقل زوجك مع طليقته ويتصنع مشاكل علشان ماضي تعيس مزقي كل شي يذكرك بماضيك ومن باعنا بعناه لو كان غالي وانا اختك