ماابي مجاملات ابي الواقعيه
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
66- رمضان فرصه تقربي من الله ماتدري الخير فين لو اطلعتم عالغيب لاخترتم الواقع ربنا بيعوضك احسني الظن فيه وشيلي طليقك من رأسك لو كان له نيه كان رجع
- حطي براسك حاجه وحده واحفظيها ..
لنفرض ان عمرك المقدر لك 70 سنه ...ماراح تموتي الا بال70 سنه
خلال هالسبعين بتمرين بقصص وبمطبات وبلحظات فرح ولحظات وجع
وانتي حره ...تبين تضيعين السبعين وانتي ضعيفه وهشه وزعلانه
ولا تبين توقفين على رجلك وتخلقين السعاده لنفسك ...ايه
اخلقيها من العدم ...السعاده اصنعيها لنفسك وابسطي نفسك
بمعادله سهله ...الي يوجعك صغريه بعينك واسفهيه ولاتعطيه اكبر من حجمه
والي يبسطك ويونسك ويضيف لك تمسكي به وكبريه بعينك..
صحباتك وزوجك او عدم انجابك للان هذول مالك يد فيهم
بذمتك ..انتي قلتي لزوجك طلقني ...انتي الي قلتي لصديقاتك طنشوني
انتي الي قلتي لرحمك لاتنجب ...!!
كل ذووول موبيدك ...انا مااتفلسف عليك ووالله اني ابكي اتمنى يصير عندي نونو
وحاااسه بك ...كل ليله انام ويدي على بطني نفسي تكبر واحس بنبض داخلها ..
لكن مومعناته بوقف حياتي ...دام مكتوب لي اعيش ..
ليه اعيش بوجع وحزن واغثي على نفسي ..
توظفي اذا تقدري ..الفراغ يخليك تكلمين نفسك مو بس تحزنين
الله يرزقني زيرزقك ...ياقلبي والله ان الرزاق الله سبحانه
والمطلق ممكن يجيك ويخطبك ...ليه لااا؟
وممكن اعزب وممكن ارمل
كثيرين الحياه تتقاطع بهم مع زوجاتهم وينفصلوا
واكيد راح يكملوا مع زوجات ثانيات
اسال الله ان يربط على قلبك ويكتب لك الخير وين ماكان - اختي لاتثقين باحد سؤئ الله هوه وحده قادر يعطيك ويسعدك
الرسول عليه الصلاة والسلام لما ماتت السيده خديجه رضي الله عنها ومات عمه
حس بالوحده بس ربي توفاهم ووضح له انو الله معاه وليس البشر ..الله سنده وقوته وليس البشر
وعوضه الله واسعده وانتصر
لكن الصبر اختي اصبري ولاترضين باي رجل الا اذا توفرت فيه شرطين ع (دين) و (خلق)
ومش مهم متزوج ولا مطلق ولا ارمل هذي ليست مشكله
لان بمجتمعنا موجود الرجل الشاذ جنسيا وموجود من بالسجون وموجود من يتعاطى وموجود من تجند ومات بالحرؤب وموجود من تخلى عن السعودية وسافر للجهاد ..وقبل هذا كله عدد الرجال اقل من النساء فمابالك بعد هذي الاحداث نادرا تجدين رجل سليم ع خلق ودين ولايهمك كلام الناس راحتك وسعادتك لطالما هي بالحلال اتمنى فهمتي قصدي كامل تالاا انا ماحصرت نفسي فيه يمكن حياتكم انتم مرفهه وماتحسون باللي احس فيه لكن انا اللي اتمناه ان كان برجوعه خير يرجع وان كان شر الله يصرفه ويبدله بااحسن منه اما صديقات والله ماكانوا يردون قبل الشكاوي
يأخت تالا تلعبين على نفسك تلفين وتدورين لنفس النقطه ماحصرت نفسي لكن ادعي يرجع !!
يابنت الناس اقطعي الامل اقطعيه نهائياً برجعته ماراح يرجعك لو يبيك من الاصل ماطلقك بس الرجال عايفك من قلبه وتقولين ماخطب قريته بموضوع لك اكيد بيرتب اموره وبيدور وحده مناسبه له ولضروفه وبياخذها لان حتى الرجال بعد الطلاق يصير دقيق بخياراته عشر شهور عشر شهور وانتي مدمره علشانه وهو اللي مادرى عنك
وتقولين يمكن انتم حياتكم مرفهه ماتحسون باللي احس فيه ليه الهم انخلق لك لحالك وش همك رجال طلقك حمدلله بس على صغائر الامور تبين هم وشقاء اعطيك تشوفين ابوك فتته السرطان قدام عينك ويموت قدام عينك اربع شهور وعشر ايام واختك تروح من بين يدينك بحادث سبع شهور ويتوفى ابو عيال اختك يتم اب ويتم ام خمس شهور ويتوفى عمك ومسرع ماخذتوا نفس وقلنا حمدلله عدت بخير ولد اختك يتوفى جنينه ببطن زوجته وبغت تلحقه مرته وبنت اختي حملتين كل الحملتين تجيبهم وشهر ويروحون وتهدون شوي الحمدلله يتوفى عمك الحمدلله حامدين شاكرين صابرين وراضين والحمدلله ياربي لك الحمد على ماكتبت وارضينا وارضينا وارضينا
وقفنا لا متنا لا سخطنا لا راحوا لقبورهم عند اللي ارحم منا لهم وحنا عشنا موجوعين ايه نفقدهم ايه بس راضين بكتبته وشاكرين وحامدين وربي يرضينا
وانتي ذبحتي نفسك عشان واحد حي مخلوق ربي ارسله لك والحين ابعده عنك لخيره هو اعلم فيها !!
تحسسين العالم ماعندها هم اكبر منك وش اكبر همك تطلقتي الحمدلله انتي ساخطه على مالله كتب والله مارضيتي لو رضيتي ماكان حالك كذا انتي بنعم ماتبين تشوفينها معميه عنها او انتي تعمين نفسك
الحمدلله عندك وظيفه ودخل مادي ثابت غيرك ماعندها ربي احسن خلقك وكمل لك عافيتك نعمه السمع والبصر واليد والرجل النطق والقلب وكل شي خلقك في احسن تقويم غيرك مشلول ماعنده رجول غيرك اعمى غير ابكم واصم وغيرك وغيرك كل النعم ذي ماشفتيها شفتي بس نعمه او نقمه علمها عند الله وراحت
مين يبغى يبدي حياته معك صدق وهو يعرف انك ذابحك حبك طليقك مين يبيك وانتي كذا سلبيه وتنوحين محد يحب يجيب النكد لقلبه انتي يبي لك تغيير من الداخل لازم تتعبين على نفسك كثير وبتتعبين الين الناس تثق انك نسيتي زوجك زين لان صرتي مشهوره انك تحبينه لازم تثبتين للكل انك نسيتيه بعد ما اثبتي بجداره انك عاشقه له وميته على شانه
اخر رد لي هنا لان دايماً اقراء ردودك مع البنات انتي ماتبين تتغيرين بس تتشكين والشكوى لا تقدم ولاتوخز اذا ماتحركتي لنفسك- الأخت بعترهـ كفت ووفت جزاها الله خير
اسمعي كلامها وربي راح يعوضك خير ان شاء الله
مواضيع مشابهة
تابعي تجارب أخرى من هذا القسم.