صباح الخير
بدخل بالموضوع علي طول وسامحوني لو طريقة كتابتي مش عدله
جالسه اكتب وانا دموعي علي خدي :(
مشكلتي هي خوات زوجي
3 وحده منهم مزوجه والثنتين عازباات
مهمومه يابنات دايم اطوف واصبر واحسن بس خلاص تعبت تعبت تعبت
طبعا انا ساكنه مع حمولتي بشقة فوق واهله تحت يعني 24 ساعه داخل طالع عندهم مش لو كنا ساكنين برا وبعاد عنهم
المشكله هي بلبسهم عاري مرررره يابنات
يلبسون تنانير وشورتات لنص الفخذ وطبعا فوق كت وعلاق والظهر طالع والصدر عاري وغيره ووو واجسامهم كل وحده تقول الزود عندي مليانات غير البياض والجمال.. ماني غيرانه منهم او حاسدتهم ... بس والله لبسهم يغري وزوجي لاحظته كم مره لما ننزل عندهم ويكونو لابسين كذا والله لاحظه يجلس يناظر فيهم وانا اموت اموووووووت من الغيره جواتي وهمن مابي تتفتح عيوونه ويطالع غيري او يزوج علي لانو بشرتي انا سمراء وخواته كلهم بيضات
امس خلاص طفح الكيل كلمته بالموضوع وقلت له خواتك ليه يلبسن كذا قداكم انتو الاخوان وكمان انا ملاحظتك تناااااااظر فيهن بعدها عصب علي وقالي عادي نظراتي لهم خواتي مو بشهوه اطالع فيهم بعدها قلتله طيب وان كان ليش يلبسون كذا قدامك انت واخوانك خصتا فيه اثنين لسا عزاب ماتزوجو
كذا والله يغرونهن مثلا قبل ليلتين اخته المتزوجه كانت جايه عنهم والله يابنات جالسه وفخوذها اغلبهن طالعه وجالسه تكلم اخوها العزابي
المهم بعدين قلت له طيب ليش من الاساس يلبسون كذا مو حلوه بقدامكم ليش ماتكلمهم يبطلون لبس عاري دامك انت اخوهم الكبير
قالي قبل فتره كلمتهم لكن يردون علي مالك دخل بلبسنا خصتا ابوي معطيهم حريتهم لكذا ماقدر ادخل فيهن
بنات وش سوي مقهووووره ومارح تحس فيني الا اللي مجربه هالوضع ومقهوره مثلي
شاركي في النقاش
سجلي الدخول لإضافة تعليق.
التعليقات
110- المشكلة ما تقدرين تقولين شي :( لأن واضح إنهم مصرين على هالأسلوب .. ولو تكلمتي بيعتبرونه تدخل في حريتهم الشخصية.. مدري كيف أنصحك مو حلو الوضع أبدددا
- بالبدايه تقولين أنا مو غيرانه بعدها تذكرين أمووت من الغيره جواتي
يعني الموضوع فيه غيره و فيه قل ثقه بالنفس يا أختي
صح لبسهم ألي وصفتيه ما يجوز ولا يرضي الله و أنا ضد هالحركات تماما و لا أيدها أبد
لكن أنتي ما نظرتي للموضوع كونه حرام و مايرضي الله كثر ما أنتي خايفه زوجك
يقارن بينكم !
الموضوع حاولتي تحلينه مع زوجك و عطاك الرد الشافي ولا قصر قالك كلمتهم و نصحتهم
و ردو عليه بأنه ماله شغل و خبروه أنه أبوهم معطيهم حريتهم
يعني الموضوع طلع من سيطرة زوجك
ألا أذا جرب و تكلم مع أبوه و نصحه بأنه هالشي ما يجوز و أذا الأب ما يتقبل النصح
أو زوجك ما يبي يتدخل أكثر مالك غير تتوجهين لربك بالدعاء لهم بالهدايه
أنتي غلطتي يوم قلتي لزوجك لاحظتك تشوفهم زعل منك و تضايق ممكن الرجل ما بباله شي من ألي فبالك
و هنا تكونين فعلا فتحتي عينه على شي ما جاء فراسه !!!
يا أختي ماراح تغيرينهم طالما أبوهم بصفهم ماراح تغيرين شي متعودين عليه و شابين عليه
مالك غير الدعاء و عززي ثقتك بنفسك أكثر زوجك مو شرط يلفتن أنتباهه خواته
أذا براسه شي يا كثر المواقع و البرامج بالتلفزيونات بيشوف لين يمل ما وقفت على خواته
أذا بيغير نظرته لك بيغيرها بطرق ثانيه كثيره
بس زوجك لا لمح لك و لا أنتقدك و راضي فيك لذلك ماله داعي قل الثقه بالنفس
مو كل الرجال تلفت أنتباههم البيضا و الرجال تختلف نظرتهم للجمال عنا حنا الحريم
ألي تشوفينه أنتي واااااو يمكن عادي جدا عند زوجك !
أهتمي بنفسك و أكسبي زوجك و لا عاد تفتحين معه مواضيع مثل كذا أفضل لك .... - مالك الا تلطمي حظك مع اخوات قوزك
- اضهر انتي ماعندك ثقه بزوجك اختي لاتخلين اشيطان يوسوسلك
واخواته مالك شغل فيهم بكيفهم انتي قدمتي نصحه وخلاص
واذ خايفه زوجك تزيغ عينه استودعيه الله دايم وخلي ثقتك بالله وزوجك قويه
ترا اذ شافك دايم تحنين عليه كل يوم بذال كلام بيمل منك
وزي ماقلتلك استودعي الله قلب زوجك وبصره وسمعه
وأسال الله ان يحفظه لك ويسخره ويتم عليكم السعاده المحبه - وجع وجع يلبسون كذا عند اخوانهم الكبار ؟؟؟
وجع وجع وين الحياء ؟؟؟
مواضيع مشابهة
تابعي تجارب أخرى من هذا القسم.