ابغى اقضي نفاسي ببيتي ولكن...!!

انا لو منك طلعت اقرب شقة مفروشة وجلست اسبوع اسبوعين ارتاح من الناس واهله اذا يبون يجونك هناك بس الناس لا لايجون لين ترجعين بيتك

احسك مكبره الموضوع زيادة عن اللزوم
اذا جوك اهل زوجك كويس بترتاحي من زياره الناس اذا عندك غرفه ثانيه حلو سلمي على ضيوفك واجلسي معهم شوي وبعدها ريحي بغرفتك واهل زوجك يقومو بالواجب مافيها شي

جوري-36
صعبه استاجر وبيتي موجود هذا غير ماديتنا ماتسمح اصلا مااتخيل اسويها
ان شاء الله اجلس ببيتي وارتاح
مشكوره حبيبتي


ورده مصوره
يمكن انتي شفتيني مكبره الموضوع وانا ماالومك لاني ماشرحت كل شي ولاطبيعه اهل زوجي ولاخواته ولاالناس ماشرحت كل شي
هذا غير انو شقتي صغيره حيل
وفي ناس وجودهم راحه لنفسيتك وفي ناس وجودهم عامل توتر لك
والنفاس شوي تكون حساسه ومضغوطه صح والا لا
خصوصي اذا انتي تعرفين انو وجودهم ماراح يفيدك باي شي ... وعندهم اطفال واجد بيحوسون كل شي وهم طبيعتهم اللي معها 12 عادي تجيبهم
واهل زوجي واخواته عائله ماشاء الله كبيره مع اطفالهم ...ودايم يجوني واشوف بعيني ايش الحال بعد يروحو
الناس مو سوا ابدا ..... وع فكره في امور النفاس مايعرفو فيها شي مايعرفو الا الشاي والقهوة يعني انا باسوي لنفسي كل شي
خلاص يرتاحو ويريحوني
انا والله مااحب اتكلم بكل شي كذا طبيعتي بس ودي اللي يحس يبنفسه مصدر ازعاج يريح الناس خصوصي اللي يكون محتاج راحه
ومشكوره حبيبتي ووجهة نظرك احترمها واقدرها بعد قلبي

راحتك الزم ما عليك قفلي بيتك لمدة اسبوعين ارسلي رسالة للجميع اﻻستقبال يوم اﻻربعاء فقط لظروف تعبي انتي ماريحتي جسمك تبين الجيران واهل زوجك يريحونك تتفشلين ترسلين لهم خلي الرسالة من جوال زوجك ﻻهله ويقولهم يبلغون اهل القرية كاملة ويقول ﻻمه زوجتي في نفاسها اﻻول تعبت وهي تشتغل وماابغاها تتعب المره هذي صدقين الحل بيدك انتي وشجاعتك

الله يسعدكم جميعا ردودكم من جد نبهتني ....وكلمت زوجي ووعدني يساعدني بهالموضوع ...
والبيت والمطبخ باسوي له تعزيله من الى ع الشهر التاسع وانظمه وارتب الاغراض اللي احتاجها ...وكل شي احتاجه باخليه قريب زي صواني التقديم حقت الضيوف والفناجين للزيارات اللي بتجي فجاه
وزوجي يقول نستغني عن المقلط ونفضيه بما انه صغير وباسويه غرفه لاطفالي ان شاء الله لان ماعندي غرفه زايده بالبيت وغرفه النوم صارت مخزن من كثر الاغراض
ووعدني اني مااولد الا وهو مجهز غرفه اطفالي باحاول اشوف لي شي مستعمل بس نظيف يادي الغرض
ع القليله ولدي يعرف وين يلعب ويجلس وينبسط فيها وتلهيه وبنجيب له فيها شاشه وانا اذا احتجت اريح اريح فيها اذا عندي ضيوف احسن مااروح غرفه النوم
لانو عندنا ناس ماتحترم الخصوصيه عادي جدا تدخل غرفه نومك وتفتش
كل شي راح ابدا انظمه قبل اولد باذن الله وباكتب بورقه كل اللي احتاجه
وباشوف لي وحده تعمل اكلات خاصه بالنفاس لاني مااحب الاكلات الدسمه والثقيله والمطاعم بالديره ماش
باشوف لي وحده واتفاهم معها تجيب لي لمده اسبوع ع القليله وجبه باليوم تكفي والباقي اشياء خفيفه انا باقدر اسويها