شاركي في النقاش

سجلي الدخول لإضافة تعليق.

التعليقات

53
  1. @salwa123sh

    أبعععععععدي عن الصياح والصراخ ترى هو تدمير العلاقه الزوجيه والله ماراح يتغير بصياحك وعتابك إلا بيزيييد عناد ويكرهك اكثر ويكره البيت لانه طفشان منك وغير أنك تتعبي نفسك.
    اصبري واسكتي وفتره اتحملي وبعدين ابدي بالحوار الهادي واذا كان برا دقي بكل شوق قولي مسويه حلا وقهوه وانتظر حبيبي يتقهوى معي احس الجلسه معك سعاااده وشوي شوي يتغير ان شاءلله
    الصراخ يبعده ترى اكثر واكثر
  2. @kryshma_san

    انتي غريبه ليش تغفرين له خياناته...غفرانك له مهون السالفه بعينه وماعاد يهمه رايك اذا راضيه اولا لان مالك ردة فعل قويه سلوكك زي الطفل ينضحك عليه بكلمتين ..ليش ليييييش !!!!!!! لازم توقفينه عند حده يا يسير رجال ويتحمل يكون مسؤول عن عيله او تخلين اهلك واهله يدرون بسواليفه الي زي وجهه .. مايمنع تجربين نصايح الاخوات الي فوق لانها فعلا مفيدة ...الله يصلح حالكم
  3. @krrt_atob

    هناك إمراه اخرى في حياته تبين تصددقين او تكذبين بكيفك
    على قولت امي ماعرف عيبي غير انه مجرب غيري
    لااتهمه بالزنا اعوذ بالله بس من خبرتي بالحياخ ماتقلبهم الا انثى اخرى
  4. @dmoaa_alord_52

    سجلت دخول لاني كنت نفس حالتك وحاسه فيك
    سبحان الله نفس طليقي سهر لحد الفجر وأحيانا ينام برى البيت وخيانه و عشت نفس معاناتك بس الاختلاف بيني وبينك هو مقصر معي من الناحيه الماديه
    لدرجه يحاسبني على الأكل وأحياناً يجوعني وهو بالاستراحه يتسدح ويتبطح لوحده ليت عنده أحد من أصحابه ممكن اقول متعلق بااصحابه ولايقدر يتركهم
    ووصلت فيه يخبي حبة اندومي وفطيره لوزين عني اللي سعرهم مايتعدى ٤ ريال
    ويقولي عن فعله البطولي وانا بعز جوعي وااكل الوجبه اللي جابها لي بعد 12ساعه من طلبي له وكان ساحب علي ومطنش اتصالاتي وعارف الثلاجه فاضيه..!
    وبكل برود يقولي وهو مبتسم خبيت عنك اندومي وفطيره بمكان ماراح اقولك عليه ووقتها حسيت بغصه وانا اكل وهذا وانا مااعاتبته على تقصيره وغيابه طول اليوم عن البيت يمن علي باللقمه؟!
    هذا غير اهانته لي وطردي من البيت واخذ ذهبي بدون موافقتي طمعاً فيه وتكرر أكثر من مره
    حبيت اذكر بعض الأشياء عن حياتي السابقه يمكن تهون عليك مصيبتك
    بس صدقيني التطنيش يجيب نتيجه مع هالنوعيه
    وانا كنت مثل حالتك وجربت فتره اروح لااهلي لأني متضايقه من وضعه معي ومن إهماله لي
    قلت له عند اهلي عزايم واجتماعات بالاجازه بجلس أسبوع ماابي اعنيك كل يوم توديني لهم..!
    ورحت لهم وانا مطنشته مااتصل ولاارسل اسأل عن حاله أو اعبر عن اشتياقي له مثل كل مره واستغرب صار يتصل فيني ويدورني وماارد وأرسل له بعد ساعات معليش كنت طالعه مع اهلي وانشغلت وتوني أشوف رقمك تبي شي؟!
    وانتهى الاسبوع ومااتصلت ولاطلبت يرجعني لبيتي وجلست أسبوعين زياده وانا على نفس الطريقه مااهتميت فيه ووضحت له بطريقه غير مباشره اني سعيده وعايشه حياتي بدونه
    وصار يرسل ويتصل بيرجعني للبيت وأول مره يسويها متعود انا اللي اتصل واترجاه ياخذني من بيت اهلي
    وإذا كلمني أكون ثقيله معه يجلس يسولف معي وينعم صوته ويتغزل فيني ويعبر لي عن شوقه وحبه لي لحد ماينتهي الشحن عنده وكأني وحده من البنات اللي يكلمهم لسى متعرف عليها مو زوجته..!
    يحاول يعرف سبب تغييري عليه وسر الغموض اللي انا فيه
    بس رجعت وجلست يومين عنده وطلبت الطلاق وشككته فيني وقام يفتش جهازي لأول مره وبعد اصرار مني طلقني لأن ماعندي قدره اتحمل أكثر
    ممكن اتحمل كل شي إلا ترك الصلاه والبخل والخيانه وعدم اعترافه بااخطاءه واعتذراه مني
    بس اذا زوجك يصلي ومو مقصر معك من الناحيه الماديه ولامع أطفاله ويراعي مشاعرك ويعتذر الحمد لله
    حاولي توقفي إتصالات ورسائل له
    واسعدي نفسك بنفسك وغيري نيولوك تبعك من فتره لفتره واهتمي ببشرتك وجسمك وادخلي دورات تطوير الذات بالنت
    اذا جاء هلي ورحبي فيه واتركي أسلوب العتاب واذا طلع انسيه ولاتشغلي تفكيرك فيه
    والحمد لله عندك اطفال العبي معهم شاركيهم اهتماماتهم اشغلي وقتك وتسلي معهم
    اذا تغير اسلوبك معه صدقيني راح يتغير ويلاحقك بيعرف ايش جرى لك؟! وممكن يبطل سهر ويرجع لحضنك
    ومثل ماقالت الدكتوره ناعمه
    الهاشمي الرجل مثل الكوره تشوتيها يرجع لك بتلاحقينه بيهرب منك
    و بااتصالك ورسائلك وعتابك المستمر راح ينفر منك ويدور غيرك
    وكمان بطريقتك هذي توضحي له هو المحور الرئيسي بحياتك ووجوده مهم لك ولاتقدري تستغني عنه وعشان كذا ضامن وجودك بحياته وحبك له وعارف ماراح تفرطي فيه مهما صار وعايش حياة العزوبيه
    الخلاصه /لايشغل تفكيرك اذا غاب عنك وانسيه أهم شي نفسك واطفالك
    وحقوقه عليك لاتقصرين فيها
    وصدقيني بعد فتره راح يتغير ويرجع لك
    بعد مايشوف انك مشغوله عنه وعايشه حياتك بدونه بكل سعااااده
    وعليك بالدعاء والاستغفار وقيام الليل يوميا
    الله يسعدكم ويصلح حالكم ويهديه ويسخره لك ولايشوف غيرك من النساء ياكريم
  5. نصيحتي ..
    لو قال تبون شي .. قولي نعم .. ابا ...... طلباتج كلها تكتبينها ابورقة ...
    اضحكي والعبي روحي لصيداقتج كلميهم بالتلفون ...
    العبي ويا اعيالج .. غني وارقصي ... الحزن والإكتاب واتصالاتج كلها هي اللي تخليه يشرد


    الحين لو قلنا في حياته بنات حرام او زواج مسيار ..
    شو تتوقعين كلامها ؟؟
    دلع وغنج وكشخة وطلبات بدلع
    هو اللي اييها مب هي اللي اتيه ..

تابعي تجارب أخرى من هذا القسم.