زوجي تحملت خياناته وقالي تلب شوفو شسوى فيني

اختي لاتزعلي مني
تراك طفشتي الرجال باتصالاتك ولو منتي عزيزه على قلبه ماكان صبر عليك وصور نفسه لك بالاستراحه
ابي اقول لك كلام امشي عليه وماراح تخسري شي
اولا اعطيه مساحه يشوف حياته وانتي شوفي حياتك مثلا لا تتصلين عليه وهو بالاستراحه ترى الحركه هذي تنرفز الرجال وغير كذا عنده ناس لو يقعدون يتريقون عليه مثلا دقت الحكومه اتصلت الداخليه ياويلك وكذا تعرفين كلام الشباب لين تكبر براسه ويثقل بالرجعه للبيت يعني ماهامني
انتي انبسطي مع عيالك بعيد عنه فتره واللي تبونه اطلبيه منه ولا ترجعين له شي مثلا الميه ريال ليه رديتيها المفروض مرسله ولدك قايله ابي ميه ثانيه وطالبه عشا او جاتوه مع حلا وبوالين وشموع وحركات حلوهومسويه حفله لعيالك ومستانسين مع بعض ومصورين وحاطه صوره عرض بالواتس ونايمه والله لو يشوفه لينجن وانتي خليك ثقيله لا تدقين عليه مره وترى حلوه يجي البيت مره يلقاه مرتب ومبخر وطالعه انتي وعيالك برى راح يفقدكم ولاتنسين تغيرين بشكلك ترى كل هذا ماراح يبين بفتره قصيره خليه يدور عليك مثل ماتدورين عليه يعني يفقدك مثل مافقدته يعني طلعات ومشاوير وكذا راح يبدا يبحث عن سبب تغيرك فهمتي وترى هذا كلام اكثر الاستشاريات ومنهم ناعمه الهاشمي
سلام

انتي العله منك ليش تتصلين عليه وتسألين عنه لا صراحه مو من حقك المفروض وهو في الاستراحة مع أصحابه لو يقعد عشره أيام لا تكلمينه مسكين تضايقينه بعدين ينفر منك


حسبنا الله على كل غبية تحط اللوم على المرأه في كل الحالات حتى لو انها مظلومة على أساس هي الملاك الطاهر السعيد في حياته
لو ان زوجها يطلع ما استأذن منها شرشحته بس تجي تتفلسف على بنات الناس وتسوي نفسها المعجزة التي لا تتكرر
أختي أنثى زوجك للأسف لسى بزر ما نضج ما احد رباه ، والله اعلم مو شرط عنده بلاوي لكن عقله صغير ومو حاس انه رجل ومسؤول عن أسرة وزوجة وبيت ويتعامل كأنه لسى مراهق
فأنا أقول عامليه على هذا الأساس على أساس انه صغير ومراهق لا تسكتين على تصرفاته وزلاته حاسبيه على الخطأ اذا محتاجة شي على طول أطلبية بحذافيره لا تجاملينه وتدلعينه وتحسسينه انك العاشقة الهيمانه اللي تتعامل مع رجل ، لا يا حبيبتي عامليه على قد عقله تعاملي معاه كأنك أمه او اخته الكبيرة لين يعرف اللي له واللي عليه


والله يعينك ويصبر قلبك ويهديه ويعقله

مو معقوووول 😳😳😳😳😳 ورب العباد كأنك تتكلمين عني هههههههه لدرجه شكيت اني انا منزله الموضوع وانا نايمه والا وش خخخخخخ
اللي عندك نفس اللي عندي سهر بالايام ومايجي لين ادق ويصور لي جلستهم انهم بريئين وكذا هههه ويزعل من اشياء تافهه او بالعربي يسوي زعلان عشان يلاقيها فرصه وانا اللي اراضيه وليته يرضى المهم انه فقع قلبي تركته له العيال والبيت ورحت بيت اهلي ريحت راسي ماكمل ثلاث ايام الا وهو يدورني ويترجاني ارجع خخخخخخ وحسيته انقرص قرصه عمره الله يهديه ويسخره

انتي السبب ولاتزعلين
ولا حد ينط لي ويقول دايم الحق مع الرجل
يااختي وش ذا مموته نفسك عليه وعلى كلمه منه بسلامته والله
اقدر احلف لو تطنشيه وتبعدي عنه وتتركي حركة الاتصالات والرسايل وصور المكان اللي هو فيه بيرجع لك انتي قاعده تطفشينه من البيت وانتي ماتدري انتي تخنقينه بسؤالك المستمر عنه وزعلك وعتابك
والدليل تطور حالة السهر كانت بس لليل وصارت بالايام ماعاد يبغى يرجع البيت
وينك وينك وينك ماسةيت مااعطيت ماوديت نقد نقد نقد صح اللي يسويه غلط بس برضوا اسلوبك بتعديله غلط
انتي تحبيه لدرجة نسيتي نفسك وهو صار كل تفكيرك
الحل /
_ابعدي عنه
_لاتتصلي الا للضروره زيه واذا رساله افضل
_اذا جا خليه يشوفك طبيعيه مو زعلانه ولا راضيه وترحبين فيه لا عادي
اذا طلعتم مع بعض اشكريه وحسسيه انك انبسطي عشان يكررها ويزيدها لانه حتى لو منتي راضيه تقدير الافعال حتى لو بسيطه بالنسبه للرجل شي مهم وتدفعه لعمل المزيد
_اصبري واصبري واصبري التغير يجي حبه حبه بس مابيتغير الا اذا تغيرتي انتي باللي قلته فوق
اتركي الزعل والصراخ اللي ماجاب اي نتيجه ابدا

سامحوني خواتي انقطعت عنكم .... جا بعد السهره وطبعا راضاني ومارضيت على طول وجلس يقسم ويحلف ان الوقت اخذه وما انتبهه سويت نفسي صدقته .. مرات يجيني شعور انه متزوج مسيار ومرات لا شعور انه يخربط بيني وبين نفسي اقول لو متزوج مسيار مايصور الاستراحه واخوياه بكل وقت واتصل ويرد على طول ..... لكن بيني وبينكم ياخواتي انا ضعيفة شخصيه او ساذجه سموني اللي تسموني لاني بسرعه ارضا بسرعه اسامح واقول الدنيا ماتسوى وانا عارفه لو اني مقصره معاه ماسامحني.. لكن لما اجلس مع نفسي اتخيل انه متزوج مسيار اروح على طول اتصل فيه وينك شتسوي متى بتجي انت متزوج مسيار صح الا عارفه والله ما اجلس لك خلك رجال واعترف ترا ماراح اعارض اقصى شي اسويه اطلب ورقتي وهو والله يابنت ماني متزوج لو بتزوج اول وحده انتي تعرفين انا مع اخوياي اصور لك طيب صور اوك يلا الحين اصور يصور ويرسل واتس هاه شفتي .. ادري اني غلطانه يابنات بس ماكنت كذا والله ماكنت مدري ليه صرت كذا يمكن لاني اقرأ كثير حريم بالمنتدى انصدمت انو زوجها متزوج مسيار من سنه واللي ثلاث سنوات .. والله قلبي صار يعورني مجرد بس يجي ببالي انه متزوج مسيار .. حاليا هو سافر مع خويه وكل شوي اتصل فيه صور وينك شتسوي وهو صار يكلمني وهو مستعجل ويصور لي .. ادري تعبت نفسي قبل اتعبه وتبون الصراحه انا افكر بتعبي اكثر من تعبه .. شلون اشيل من بالي انه متزوج مسيار.. او حتى لو عنده خرابيط شلون اشيل من بالي ....