صرخة الم .. متي يسير الحلال سهل يامسلمين ؟؟

حنا بصراحه يطلبون المهر وبس يعني المهر يحدده أبو الزوجه مايتعدى 50 ألف والحفله على الرجال وبكيفه لو يسويه بالبر أو استراحه عادي على حسب قدرته صحيح فيه ناس من جماعتنا يبالغون بالحفله وافخم قصر وكذا بس هو الرجال من كيفه والله معطيه خير يسوي حفله فخمه والي مايقدر عادي باستراحه أو بالبر أو بالبيت عادي

من جد الله المستعان
ي كثر ما تكلموا شيوخ عن هالموضوع وانو الواحد المفروض ييسر لبنته وما يطالب الخاطب بشي فوق المعقول .. او البنت برضو تراعي هالشي


لكن لا حياة لمن تنادي !

لاوالله كثير اسر يتمنون رجل صالح صادق نزيه ولايهمهم مظاهر وتفاهات الحمد لله
لكن ابتلينا بالحريم الي يدخلون البيت وياخذون معلوماتك وشاي وقهوه وسوالف ثم تعتذر

#الشباب في عزوف لين يوصل لعمر ثم يبي بنت صغيررره في أول العشرين !
#والمطلق ، والأرمل مايخطب ألا بنات وصغار .
#ومافيه غير المتزوجين ... يتقدمون!.
ولا تلومون البنات أذا الظروف حدتها عليهم !
مهما كأنت السلبيات بس تطلع بولد تفرح فيه .
ولا مافيه مهور ..غاليه ولا تكاليف ولا شي لكن الرازق في السماء .

الامر كله في يدينا احنا والله لو كل ام زوج وام زوجه يحكمون عقولهم ويبعدون عن الفشور والمفاخره ويبسطون الأمور ما كان وصل وضعنا لهذي الدرجه لكن حتى لو العروس ما طلبت شي اكلوها اهل العريس والعريس بنفسوه مار اح يشوفها والا شي كله من كلام اهله امه واخواته قريباته والعكس بعد يعني البلاء فينا احنا يالحريم لازم نبدا نغيير من نظرتنا للحياه وأسلوب تفكيرنا ونرتقي شويه ونسهلل على الأبناء حياتهم بدلا ما نعقدها عليهم