انا وزوجي ورمضان

قلبي كرري اللهم أحلل عقدة من لساني يفقه قولي
الله يهديه إذا هو يحب الجمعة إنتي مو ملزومة ترى عادي
حماي كل يوم يفطر بيت اهله وزوجته تفطر لحالها في بيتها ولما جابو العيال هو وعياله بيت اهله وهي في بيتها

ياقلبي يعني بيجيك الدور 8 او 6 مرات حبيبتي دام زوجك خاطره كذا مشي هالسنة وبعدها السنة الجاية ماتدرين ايش بيصير وقدامك سنة تقنيعه على رمضان الجاي ان شاء الله اقترح عليك هالسنة طالما مايمدي تلفين وتسوين اشتري من الحريم او خلي اهلك يساعدونك بالسمبوسة هاليومين سوي حشوة كثيررة وخزنيها في الفريزر وطلعي قبلها واحشي خبز صغار او تنفع لصياني المكرونة او صياني المالح مثلا الفطور سوي بسبوسة مع القهوة والتمر واقلي جبنية الفطور الثاني سمبوسة وشوربة ومكرونة وسلطة وهاتي فطاير من برا المرة الثانية حلى البف باستري احشيها جبن وحليها3 بحليب نستلة وجبن مع القهوة والتمر وحلى سهل الفطور الثاني مسقعة وسلطة ورز ابيض وشوربة وسمبوسة المهم مشي حالك وخوذبها بنية تفطير صايم قبل فطورك بيوم نظفي البيت وسوي صينية حلى وجهزي الكاسات والمﻻعق والصحون وغطيها بسفر وحدة لللرجال ووحدة للحريم وجهزي كشنة الشوربة والعصيرات وصينتين المالح يبقى لك من بكرا القلي والتجهيز البسيط

قوليله طيب واكتبي مقاااااضي مبالغ فيها وعديها السنة هاذي وكل جمعة عندك خلي المقاضي تزيد وتزيد الين يشوف هوا الوضع والسنة الجاية مابيكررها صدقيني بس اول شي خلصي مقاضي عيدك كلها انتي وعيالك

ماادري وش ذا الجمعات اللي ماتزين الا في شهر فضيل،،المفروض الواحد ينقطع فيه للعباده مو للجمعات
مع انهم طول السنة فاضين والعيد جايهم يتجمعون لين يطفشون

غاليتي تغاريد الامل...
تمسكي برأيك حبيبتي ولاتتنازلي عنه ابدا
حتى لو أظريتي تفطري لحالك بالبيت عادي جدا روقان في روقان.. شهر رمضان للعبادة حبيبتي مو للعزايم...واذا تنازلتي عن مبدئك لمرة واحدة حتستمر طول العمر
لذلك تفاهمي معه بهدؤ انومراح تتنازلي عن رأيك..وافق اهلا وسهلا ...ماوافق بكيفه خله يروح لحاله....وانتي عيشي رمضان بكل روحانيه وهدؤء......اعادة الله علينا وعليكم بالخير والبراكات.....