شاركي في النقاش

سجلي الدخول لإضافة تعليق.

التعليقات

26
  1. وين اهلك انتي ؟؟؟
    ليش مايوقفون معك
    المفروض اول ماتوفى زوجك رفعتي قضية بحيث مايتقسم الورث ابدا دام فيه اولاد صغار قصر
    وطلبتي ان حق زوجك ينفصل عن حق ابوه وهذي المفروض سواها زوجك الله يرحمه
    وقضايا الورث اذا الاصول موجودة مو متنازع عليها بسهولة تنحل
  2. وش توكلين محامي وش خرابيط
    لاتوكلين ولا شيء
    روحي للمحكمة وخذي ورقة يسمونها صحيفة دعوى واكتبي شكواك
    ولا تطولين اكتبي الزبدة
    اذا ماتعرفين تكتبين روحي للمكاتب اللي جمب المحكمة وخليهم يكتبونها لك بياخذون عليك بالكثير 500 ريال
    واياني واياك توكلين محامي تراهم نصابين انتبهي يلهف فلوس ع الفاضي ترى محاكمنا شرعية مهب زي محاكم الاجانب محكمة ومدري اي وسيادة الادي هههه
    يعني المحامي ماله لازمة انتي اكتبي اللي عندك من الى
    وحاولي تجيبين شهود
    وانتبهي ترى اخو زوجك كل ريال دفعه عليكم يبي يجيب ايصالاتها للمحكمة واي تحويل لكم يبي يجيب ايصاله للمحكمة يعني لا تكذبين تقولين ما اخذنا شيء خليك صادقة
    وقولي اللي اخذناه كذا وهم ياخذون اكثر وماشاوروني وماقسموا بالعدل و.....
    وخليك من اللي يقولون الممحاكم حبالها طويلة الله واكبر ياللي مختلفين على برج المملكة
    ماعليك ممنهم مهب صايرة اطول من السنين اللي ضيعتيها
    وادعي لي بتفريج الهموم
  3. صاحبة الموضوع
    جيتكم ضامية
    وين اهلك انتي ؟؟؟ ليش مايوقفون معك المفروض اول ماتوفى زوجك رفعتي قضية بحيث مايتقسم الورث ابدا دام فيه اولاد صغار قصر وطلبتي ان حق زوجك ينفصل عن حق ابوه وهذي المفروض سواها زوجك الله يرحمه وقضايا الورث اذا الاصول موجودة مو متنازع عليها بسهو…
    جيتكم ضامية
    أهلي متوفين كلهم وما لي غير أخو كبير في العمر ولو بكلمه ما يقصر
    بسس عنده من المشاغل ما يكسر الظهر
    إيه ي قلبي الأصول موجودة وإن شاء الله تنحل بسهولة ..

    مشكورة على مرورك ..
  4. صاحبة الموضوع
    جيتكم ضامية
    وش توكلين محامي وش خرابيط لاتوكلين ولا شيء روحي للمحكمة وخذي ورقة يسمونها صحيفة دعوى واكتبي شكواك ولا تطولين اكتبي الزبدة اذا ماتعرفين تكتبين روحي للمكاتب اللي جمب المحكمة وخليهم يكتبونها لك بياخذون عليك بالكثير 500 ريال واياني واياك توك…
    هذا الكلام اللي ابيه ي قلبي عليك حمستيني بروح للمحكمة
    وسبق وقبل كذا كتبت اللي عندي وبستأنف القضية وبكملها
    لا ي قلبي أنا أخاف الله وليش أكذب مشكلتي واضحة وضوح الشمس
    واللي اخذناه بقولهم أخذته واللي لا بطالب فيه
    إي والله صبرت تسع سنين خليني اصبر مثلها واجيب حق هالأيتام

    بسسس اللي محزني إني أنا اللي برافع وولدي عمره 17 سنة
    الله يكون بالعون ويمدني بالقوة والعزيمة

    مشكورة مرررة ثانية جيتكم ضامي
    والله يفرج همومك يا رب وينصرك ويعطيك ما تتمنين يا رب ..

تابعي تجارب أخرى من هذا القسم.