لليوم أفكر فيه قولو لي شو الحل

سلام يا بنات كيفكم؟مبارك علكيم الشهر والله يوقفنا ويعيننا على الصيام والقيام ان شاء اللله،قبل هالمره طرحت موضوعي وخبرتكم بقصتي مع طليقي وكيف صار الطلاق،مشكلتي إني مش قادرة انساه او حتى ادعي عليه من كثر ما احبه😩والله قلبي مفطور ومقهوره على نفسي،بالرغم من كل إللي سواه فيني إلا انه مش متحسف علي ولا حس بقيمتي ولا بغيابي،مع اني ماقصرت معاه بشي دللته ودلعته ومهما يسوي فيني بزعل لكن ما اتركه واخليه وبكلمه ارضى عليه،دوم يمدحني يمدح اكلي لبسي شكلي كلامي حتى اسلوبي معاه لو زعلني او زعلته بشي يعرفني اني ابي رضاه،ومع هذا عافني!ولا قادرة افهم السبب،اذكر قبل الطلاق كان يقول انه عافني ودايما يروح لحرمته الاولى وانا اصبر واتحمل وادعي ان الله يرده لي،مب مصدقه ان الريال اللي كان يحبني ويموت فيني ويمدحني قدام اهلي واهله هو نفسهاللي خلاني على اسباب وخلافات ما تسوى!لااا وانتهت وتراضينا وفتحنا صفحه جديده، ويوم رحت لبيت اهلي زياره قلب علي مره واحده !لا يتصل لا يسأل وكثير يتهرب،وقال لي كلام جااارح،أنا تركت الناس عشانه كثير قالو اي لا تاخذي متزوج وانا سويت المستحيل عشان نرتبط،واليوم اشوف حالي وابكي،بعد حب وعشرة وصبر على مرّه اللي فجأة صب عليهيسوي فيني كذا!،بعد الحب والدلال ووعده لي إنه يعوضني عن تجربتي المرّه اللي عانيتها فجاه لقيته طلقني بطريقة بشعه!!يوم صرت عند اهلي اتصلت فيه اتحمد له بالسلامه وحجزت موعد فالصالون اتعدل له واكشخ واتحنا اخرته يطرش مسج اني طالق!!!قولو لي كيف انسى وابدا حياة جديدة لنفسي،انا ثقتي بنفسي بعدها صفففررر لا قادرة اكلم حد ولا غيرة،انا انسانه فرفوشة وتحب الحياة والدليل ان تجربتي الولى ما هزتني ،اما هو كسرررر ظهري وقللللبي لاني جدددد حبيته وسويت المستحيل عشان احافظ عليه ومع هذا تطلقت😩قولو لي كيف انساه وابدا لنفسي حياة صحيحة وبدونه؟ انتظر ردكم بلييييييزززز