مساء الخير .. اخباركم يابنات
تكفون انصحوني علموني وش اسوي عندي رجال تنكه مايفهم وعنيد راسه يابس
لنا متزوجي سنتين ونص وعندي منه والد
عمري ماكد دخلت العشرين وهو عمره 25
اهلي تجاااار وهو علی قدددد حاله لاالصراحه وضعهم المادي صععععب وصبرت علی الفرق اللي شفته من حيات الغنی للشقی وقسم يابنات من تزوجته ماعمري طلبت السوق ورحتله بالهين يابنات ولا مره تقضيت للعيد علی اذا سيرت لهلي يعطوني فلوس واستانس اروح اتقضا وخلص حاجاتي نفسي بشياء بسيطه تخيلو وقسم بلله ماعمري رحت لمطعم معه ولا عمره وداني لمطعم اذا قلتله راح وجابلي ورحنا للبيت ويقولي هاه هاذا الاكل عندك وش فرقت هنا ولا هناك جنيت منه غير انه علی كل شي نختلف ونتهاوش والله من تزوجت ماسفرت حتا عمره مارحت اشوف حريم خواني كيف يطلعونهم ويروحون مطاعم شاليهات وسفريات وانا منطقه اغسله ونضفله البيت لايتصدق علي يطلعني الا لما اطلب منه ونااااادر مايوافق وكل ماقوله بنروح عمره يقول زحمه شدعوه والحرم متا فضی واذا قلتله بطلع نتمشی لمجمعات يرررفض نحوم بسياره ونرجع يسكتني بس والله يابنات ابي شي واحد بس ابيه يفهمني ابيه يحس فيني كل شي عنده لالالا
غييير هاذا كله هواشنا دايم علی انه مايجلس عندي والله مادري وش فيه كل شوي ناط لمه بروح اتقهوی عند امي بروح اجلس مع امي اليوم ماجلست عندي امي امي وامي طفشني كرهت امه وقسم بالله كرهتها والسبه كثره جلسه عندها قببل لايدخل علي الشقه يمر امه بعد مايطلع يمر امه اذا جا العصر انطق معها واذا جا بعد التارويح انثبر عندها وانا منطقه بشقتي والله يابنات اكتبلكم وانا ابكي وش اسوي فيه كيف اتعامل معه والله اني اتمنا اتطلق وافتك جنني مابقی فيني عقل عطوني حل تكفون الله يفرج عنكم همومكم تكفون ودي اشتري لي ملابس للعيد راااافض وشوف امه وخواته يتقضون وانا نفسي اروح ورافض تكفون لو تردون علي بدعوه بس تكفوون
شاركي في النقاش
سجلي الدخول لإضافة تعليق.
التعليقات
36المشاركة المقتبسة غير متاحة.
حنا طريقه اهلي لما يجي رجال يطلب البنت وهو يقرب لها ويعرفونه يعني ولد عمها او عمتها او حتا اي واحد مايسالون البنت ولا يشاورونها وانا لما تزوجته وقسم ماعرفه ولا عمري حتا شفت وجهه وكانو يقولولي وضعه المادي زين- زوجك على ماتعوديه
- جزاة الله خير الي يجلس مع امه وكثر الله من امثاله
زوجك ماشوف فيه عيب من ناحية الاخلاق
الفقر الخطاء خطاكم انتو وافقتوا علية وعارفين بظروفة
ماله ذنب زوجك
اذا تبين تصبرين جزاك الله خير واخذي فلوس من اهلك اذا عندهم خير وعيشي لنفسك
اذا تفكرين بالطلاق ترا البنات واجد الدنياء ماوقفت عليك violet🦋 جزاة الله خير الي يجلس مع امه وكثر الله من امثاله زوجك ماشوف فيه عيب من ناحية الاخلاق الفقر الخطاء خطاكم انتو وافقتوا علية وعارفين بظروفة ماله ذنب زوجك اذا تبين تصبرين جزاك الله خير واخذي فلوس من اهلك اذا عندهم خير وعيشي لنفسك اذا…
لو اكرمتينا بسكوته او دعيتي دعوه حلوه كان احسلك من هالسلوب- لاتسمعي للي يقولوا زوجك على ماتعوديه فيه رجال لايتعود ولاشئ وكل حسب شخصيه الرجال ..وياحبيبتي حالك هذا صح متعب وعندي وعندك خير بس انتي شوفي نوع شخصيته ولمن تعرفي ان هذا الطبع سبحان الله خلقه فيه بيهون الموضوع غير عن واحد متعمد الشئ وياذيك فيه ..ادعي الله سبحانه واذا على اشياء مو في الحقوق المهمه وباللين والكلمه الطيبه والله العظيم ماحد مرتاح بهذي الدنيا ومافي احد كامله له
مواضيع مشابهة
تابعي تجارب أخرى من هذا القسم.