ايه يا بنات الجمال ده كلكم ما شاء الله عينى بارده عليكم
كنت عايزه اضيف حاجات بسيطه من عندى بما انى لسه بتعلم منكم بس الحاجات دى انا اعرفها من زمان
1- بالنسبه لتفريز البصل ممكن تفرميه بالشكل اللى بتستعمليه كتير و بس تضيفى عليه الملح علشان طعمه ميتغيرش و قسميه فى اكياس فى الفريزر و خدى منه على قد الطلب و رجعيه تانى و بيعيش كتير من غير ما يخرب بس لالالالالالالالالالالالالالازم الملح مهم جداو اثوم كمان زى البصل
2- تانى حاجه ممكن تعملى صلصة الطماطم اللى بتستعمل مع الخضار و المحاشى و كفتة داوود باشا و البيتزا و قسميها فى اكياس على قد الطبخه بس و تبليها كمان لو عايزه و على طول بعد ما تبرد توضع فى الفريزر
3- الملوخيه ممكن تفرميها و تحفظيها فى اكياس على قد الطبخه و حطيها فى الفريزر و لما تخرجيها منه على طول حطيها فى الشوربه الساخنه مع التقليب لحد ما تفك
4- اما بقى تفرز الحلويات و خصوصا لرمضان ممكن تحشى القطايف الحلوه او الحادقه بكل حشواتها و اقفليها كويس و حطيها فى اكياس على قد الحاجه و دخليها الفريزر و عند الاستعمال طلعيها بس قبل القلى بنصف ساعه خارج الكيس و بعدين اقليها و اسقيها بالعسل
4- الكنافه الصينيه او الصوابع جهزيها و احشيها زى ما بتحبى و رصيها فى اطباق فويل فى الفريزر عند الاستعمال طلعيها قبلالسواء بنصف ساعه خارج الكيس وبعد كده سويها زى ما انتى عايزه
و بالهنا و الشفا و يعود علينا و عليكم ان شاء الله باحسن حال
وصفه مختاره :ملف : فريزر رمضان الكل يدخل
متابعة النقاش، صفحة 20