السلام عليكم،،
بنات شرايكم في كلام سلفتي ان لازم اساوي في المعامله بين اهلي واهل زوجي واعتبر ام زوجي مثل امي بصراحه انا ما علقت على كلامها بس انا رأي ان مستحيل اعامل ام زوجي مثل امي،، امي غير يعني امي اي شي تقوله اقولها ان شاء الله ومقامها في قلبي غير عن مقام ام زوجي يعني ساعات ام زوجي تقط كلام تغثني فيه بس امي تراعي لنا واي شيء يصيدنا مو زين حتى النوم ما تنام علينا في الليل وفي الاخير اساوي ام زوجي بأمي
وش رايكم انتو
شاركي في النقاش
سجلي الدخول لإضافة تعليق.
التعليقات
14- صحيح كلامك الام تتعب وتضحي واشياء كثير ومقامها كبير
اما ام زوجي ع عيني وراسي بس ماتساوي امي ولا شي وكمان تغثك تكون مقامها قليل - لا والله امي غير وامي زوجي غير لو صارت مشكله بيني انا وزوجي مثل ماراح توقف معي لو ابنه غلطانه امي لو انا غلطانه تهاوشني وتوقف مع زوجي فهمتي عليا
- اممم احس على حسب شخصيه ام الزوج وتعاملها فيه اللي تغث وتقط لك كلام لوها ام زوجي مااعتبرها زي امي ابدا بس لها احترامها
الحمدلله ام زوجي اعتبرها بمقام امي تعاملنا مثل بناتها وتدافع عنا اذا ماعجبها كلام عنا اسميها امي من غلاتها عندي
فديت قلبها وطيبتها اموت فيهااا - انتبهي تقولين لسلفتك أو أي أحد من طرف زوجك ان أمي غير وأم زوجي غير أو أي شي ينمكن ينفهم غلط
ترى بعض الناس تقول مثل كلام سلفتك بس عشان تنقل الكلام
ومو شرط هي تسويه أو تؤمن فيه بس تبي تجر حكي منك عشان تنقله
وما تقوله كامل لا تقول الجزء اللي يضرك بس
احتفضي بآرائك لنفسك هذي نصيحتي لك
يمكن سلفتك طيبه وعلى نياتها وتتكلم بصدق
وما هي من هالنوعيه الخبيثه لكن الحذر واجب - حبيبتي المفروض تراعي وتحترمي ام زوجك مثل ماتراعي وتحترمي امك
بريها و حني عليها واكسبيها في يدك لاتكوني انسانه سيئه او شرانيه بالعكس
ودااايم خلي هالمعلومه على بالك اذا عندك ولد متزوج كيف تحبين زوجة ولدك تعاملك ؟؟؟؟؟؟
يعني المعامله الي تحبي زوجة ولدك تعاملك هي انتي بعد عاملي ام زوجك بالشي الي تتمني ان تعاملي فيه
هو صحيح ام الزوج غير عن الام لاكن لا تنسي انها ام شريك حياتك وجدة عيالك اولا واخيرا .. ادايم قارني نفسك بها كيف تحبي تتعاملي من زوجة ولدك او امك كيف تتعامل من زوجة اخوك لازم تسوي هالشي لام زوجك لان الدنيا دواره
وسلفتك اكيد ماقالت هالكلام الا لانها شافت عليك شي او معامله مو طيبه او كلامه كذا ولا كذا
حاولي تكوني احسن حريم الاخوان يعني احسن وحده من سلفاتك وتكسبي اهلك زوجك وتعلقيهم فيك
مواضيع مشابهة
تابعي تجارب أخرى من هذا القسم.