تكفون يابنات حوا يالنشميات عطونا ارائكم

تكفوت تعلقون على هذه القصه وفسرو حاله هذه الزوجه الغريبه لاني وضعتها في موضوع ولا احد رد فقلت افردها هنا في موضوع خاص تكفون يالنشميات شاركونا رايكم في هذه القصه التي اعتبرها بعض الناس من اغرب القصص ..


هذه القصه غريبه لان اللي فرطت الزوجه وليس الزوج هذي وحد من صديقاتي تطلقت من اثنين قبل وعندها من الاول 3 اطفال ومن الثانيطفل المهم خطبها واحد مطلق اصغر منها حتى ماعنده حرمه ولا اطفال وحيد المهم والله والله ورب البيت انه قمه الادب والطيب والاحترام مصلي ما يعرف الخيانه والبنات والامور هذه بل يكره من يمشي فيها وينصحه ووالله انه قال اولادك اولادي وخدمها في اولادها في الجامعات ووقف معهم وقفات ما يوقفها ابوهم معهم وحاطهم في عيونه ووالله والله العضيم انه ما قد قال لها (لا ) في اي طلب تطلبه واذا سلم عليها يحب يدها بل ازيدكم من الشعر بيت ورب البيت انه بعض المرات يحب رجلها من طيبه قلبه وكل ما قالت له شيء قال من عيوني انتي تامرين اهم شيء راحتك عندي ويقدر امها وابوها تقدير زي امه وابوه والله انه يقبل ايديهم وامور كثيره والله لو اقولها لكم ماتصدقون تقولون هذا ملك مو انسان المهم ايش اللي صار ما ادري هل هي يوم شافته كذا فكرت انه ضعف ولا هي فشت زعل الاثنين اللي قبله فيه المهم تتلفض عليه وترفع صوتها وتتكلم بكلام لو اقوله لكم ماصدقتو وتقول له يا خسيس ياسافل ياحقير وهو محترم يخرج من البيت ولا يرد يقول لها تكفين خلي الاحترام متبادل بيننا المهم صبر صبر صبر عليها حاول يعدلها واخير حس بالاهانه وطلقها واللحين ودها انه يرجع بتنجن عليه لكن خلاص ماراح لا يعوض ولعلمكم القصه هذي انا واقفه عليها حرف حرف لان الرجال هذا يقرب لي جدا جدا وهي صديقتي ووالله ان باقي حاجات ماقلتها ولن تصدقونها ان فيه رجال بالزمن هذا يسويها بالله ابي تعليقاتكم على هذه القصه ..

14 تعليق 1,969 مشاهدة

شاركي في النقاش

سجلي الدخول لإضافة تعليق.

التعليقات

14
  1. @rosary

    حبيبتي ,,,هذي ينطبق عليها مقولة اذا أنت أكرمت الكريم ملكتهُ وان انت اكرمت اللئيم تمردا .
    اذا كل اللي قلتيه صحيح فهي لئيمة اكرمها زوجها فتمردت عليه .
  2. @skrh_mkrh

    بعض الحريم كذا اذ شافت الدلع والاحترام تمردت يعني بالعربي مو وجه حشيمه وبعضهم العكس
    عموما الله يهديها ويهدينا
  3. كل واحد يحصد مازرعه
    وهي حصدت ما زرعته
    وضيعت النعمة اللي في يديها وما حافظت عليها
    والإنسان يصبر على كل شئ الا الكرامة مايقدر يتنازل عنها
    خليها تذوق ثمرة استهتارها بالنعمة وتكبرها على زوجها
    الله يهديها
  4. @sndok_bryd

    فيه خيط رفيع بين الطيبة والضعف
    لازم الرجال يعرف يفرق بينهم ويعرف متى يضع الحد اللي ما تتجاوزه الزوجة
    لايمكن نتوقع من رجال احترام زوجته وهي ضعيفة وخانعه وتوطي راسها والعكس
    لازم الانسان يفرض احترامه مع توضيح طيبته وحنانه
    ويضع الحدود وبس يحس الطرف الاخر بدا يتجاوزها يوقف وينبه ويكون له كلمة وردة فعل وهذا الامر مع الناس كلهم
    مو بس الزوج والزوجة
    قريبك هذا لازم مع طيبته يتعلم كيف يفرض احترامه كزوج و شخصيته لانه الان زوج وبكره بيكون اب كيف بيفرض احترامه على عياله ويتوقع منهم الطاعة ؟ وانهم يسمعون كلامه
    الطيبة ما تتعارض ابدا مع وضع الحدود ومع الشخصية القوية وترى بنظري الطيب اللي شخصيته قوية اكثر قوة من الاقشر اللي شخصيته قوية لان الثاني احس ماعنده ثقة في نفسه وجالس يعوض بالقشارة والشدة
    اما الطيب وشخصيته قويه يعني تراني قوي وعندي حدود بس انتبهوا وركزوا لا ازعل او تتعدون على حدودي
    وبالعكس القوي والحنون في نفس الوقت يكون الحب له حقيقي والخوف يكوت على مشاعره والمحافظة عليها لكن الاقشر يكون خوفا منه وفي اقرب فرصة يبون الفكه منه ويكرهونه ويقلبون عليه




    عموما الاساس في العلاقة بين أي زوج وزوجته هو الحدود والاحترام والتفاهم
  5. صراحه انسانه جاااحده ربي عوضها بنعمه كبيره ورفست النعمه هذا الي صار وشافت واحد ميت عليها وتكبريت وهو رجال وله عزه وكرامه والي سواااه شي طبيعي يرجع كرامته بطلاقه منها لانه حس انها ماتستاهله

تابعي تجارب أخرى من هذا القسم.