ضايق صدري من زوجي وجاية افضفض 😢

السلام عليكم
ياريت ماتطنشو موضوعي زي البارح ردو ولو بدعاء


انا حاسة بصدري ضايق من اسلوب زوجي معي توني خلصت المكالمة الزفت شوي والدموع تنزل
ممكن البعض يشوف الموضوع تافه لكن والله صعب بالنسبة لي لانه يتكرر وتحصل المشاكل بسببه
انا عند اهلي بديرة ثانية وهو راح يجي ياخذني بالعيد البارح كنا نتكلم بالواتس عادي شوي قال انه رايح يتسحر قلت مع السلامة بعديها بوقت ارسلت له اني ابي نكمل حديثنا ع الواتس ارسلتها له بطريقة رومانسية قري رسايلي ومارد بعدين ارسلت له صورة بنت صغيرة زعلانة ومكتوب عليه ليه ماترسل وكتبت له ليش تطنش رسايلي ومارد والصبح ماتصل ولا ارسل
قبل شوي اتصلت عليه كدا مرة ومارد فعرفت انه بالمسجد بعدها هو اتصل مرة وحدة ومارديت عليه وماكرر الاتصال انا صراحة فسرتها عدم اهتمام منه وزعلت


فرجعت اتصلت عليه وكنت زعلانة فجلس يكلمني برسمية لانه مع اهله جالس فزعلني اكثر لانه شايف اتصالي اكثر من مرة وماتصل علي


المهم الخلاصة الامور تصعدت والحين احنا زعلانين ومادري كيف اتصرف هو اسلوبه التطنيش ومايشوف نفسه علي خطا وبتهمني بسوء الظن وهو شمالي شرقي وانا جنوبية


هو صراحة طيب معي لكن عيبه التطنيش والثقل وانا حساسة


ياريت تنصحوني كيف اتصرف معه الحين احنا بعشر الاواخر ومقبلين ع العيد ومابي الزعل يطول وف نفس الوقت مابي اتنازل واعتذر

25 تعليق 11,174 مشاهدة

شاركي في النقاش

سجلي الدخول لإضافة تعليق.

التعليقات

24
  1. @syny_myny

    اثثثثثقلي خلاص كلمتيه عالواتس ومارد لاتنشبين له
    متى مافضى بيرد على رسايلك
    ورجعتي ارسلتي صوره
    ودقيتي
    ليش ليش ناشبتله ؟ خلاص بكيفه بيفضا ويرد
    هذا درس لك ابدا لاتكررين هالغلط
    الرجال يحب الي يدور عليها ويسأل عنها ويشتاق لها
    انتي ماعطيتيه فرصه يشتاق لك
    اثقلي عشان فالعيد تتقابلون بشوق ويكون ملهوف عليك


    اسفه لو كلامي ضايقك بس والله خوفا عليك مابغاه يقول عنك لزقه او نشبه كنت زيييك
    بس اثقلي وشوفي كيف بيجري وراك
  2. @ghdosh_alhzn

    أسأل الله العظيم رب العرش العظيم ان يفرج همك و بشرح صدرك و يفرح قلبك و يسر أمرك و يحقق مرادك و يسخر و يهدي لك زوجك
    ما حبيت اطلع دون ما ادعي لك
    أتمنى البنات يفدوك
  3. @syny_myny

    سيني ميني
    اثثثثثقلي خلاص كلمتيه عالواتس ومارد لاتنشبين له متى مافضى بيرد على رسايلك ورجعتي ارسلتي صوره ودقيتي ليش ليش ناشبتله ؟ خلاص بكيفه بيفضا ويرد هذا درس لك ابدا لاتكررين هالغلط الرجال يحب الي يدور عليها ويسأل عنها ويشتاق لها انتي ماعطيتي…
    وشوفي موضوع الشمالي طرزان وجين الصياد
  4. @gmayn

    صاحبة الموضوع
    سيني ميني مشكورة علي نصايحك حبيبتي


    بس ماني نشبة بالعكس مااتصل عليه هو اللي دايم يتصل بس المرة هذي عشاني زعلت اتصلت اعاتبه والظاهر خربتها الله يستر
    كرهت هالشخصية بكثرة ثقلهم وتطنيشهم وطولة بالهم

تابعي تجارب أخرى من هذا القسم.