السلام عليكم ورحمه الله وبركاته
انا راح ابدا بالموضوع ع طول
مشكلتي مع اختي وغيرتها ومشاكلها الي لها اول مالها تالي
انا ارمله صار لي تقريباً سنه من يوم مات زوجي الله يرحمه
وانا وبنتي عند اهلي
بنتي عمرها 4 سنوات
مشكلت اختي غيوره وبقوه مني وحتى من بنتي
اي شي اسويه او يسوونه لي اهلي تسوي مشكله وتقول تبغى زي انا حتى بنتي لو اخذ لها جدها حتى لو حلاوه
تسوي مشكله ليش مااخذ لها
الكارثه ان اختي كبيره بالسن مو طفله عمرها فوق 25 سنه
وهذا غير مشاكلها
وكلامها وعدم احترامها للكل
حتى اهلي تعبو معاها
وتقول لهم تحبون اختي وانا تكرهوني وكلام كثير
لدرجه اي وحده من الاهل او الجماعه كلموني او راسلوني
تزعل تقول ليش يراسلونك وانا لا
وتقول اني انا اكرهم فيها وكرهوها
وانا والله ماعمري ذكرتها بالشينه قدام احد
حتى راتب زوجي الله يرحمه
سوت مشكله وقالت وش معنى عندي راتب وهي لا
المشكله عند الناس بوجه ولسان يقطر عسل
ومعانا في البيت لسانها ومعاملتها زي السم
وتحط دوبها بدوب بنتي
اخرتها البارح قامت ضربت بنتي وطلع فيها علامه الضرب
انا تعبت معاها ومن غيرتها وشكها ومشاكلها معي ومع بنتي ولادري وش اسوي
دلوني
وهل اختي طبيعيه او لا
شاركي في النقاش
سجلي الدخول لإضافة تعليق.
التعليقات
25- فقط غيره وبسس
ربي يهديها
بس انتي تقربي منها و سولفي معاها يعني اكسبيها
ربي يحفظك و يحفظ لك بنتك - والله ماادري وش اقولك بس تصرفاته ماهي طبيعية وانتي ماعليك منها لاتحسسينه من تصرفاته لها رب يحاسبها
- سبحان الله اعرف وحده تسوي نفس الشي مع اخواتها ونفس حركات اختك وفوق كذا ساحرتهم وتوهم الناس انها البريئه وهم السيئين وتتكلم فيهم بالشينه واحياناً اشوفها قدامي تتكلم عنهم وانا عارفه ان كلامها كذب بكذب
حاولي تبعدين بنتك عنها ولا تتكلمين قدامها عن اشياء تخصك لانها واضح عينها على كل شي يجيك ولو شي تافه فالافضل ماتدري عن أمورك - اخت شوشينا وكيف ماتدري وحنا في بيت واحد
وغرفه وحده
وانا حاولت معاها بكل الطرق
انصحها وتقول اكيد اني اغار منها واكرها وتسوي عكس نصيحتي
وانا والله ابغى لها كل خير
وتقول هي الصح وكلنا الغلط وتصارخ وتعلي صوتها
انا خايفه ع بنتي تصير لها قدوه وتقلدها😔
وانا والله الي فيني يكفيني
تفكيري الوحيد اني اربي بنتي تربيه صالحه
وانها تعيش مرتاحه بعد وفات والدها - تزوجي وراتاحي وش تفهمين اختك كبيرة و بنتك تكبر وتتزوج وتصيرن وحيدة يمكن يجيك ولد يشيلك دعواتكم لنا ننقل بيت جديد
مواضيع مشابهة
تابعي تجارب أخرى من هذا القسم.