احب امي واحترمها الله يحفظها لنا
واعرف انها تعبت كثير حتى تربينا
لكن دايما ترمي كلام مستفز علي وتقهرني واحيانا تحرجني
يعني مثلا لو اكلمها الساعة 11 والقى صوتها خدران
أقول لها: اعذريني يمه اذا صحيتك
تقول بنرفزه: انا صاحيه من زمان فاكرتني كسولة انام للظهر!!
طيب انا مو قصدي كذا والله
وذاك اليوم كانت راجعه من برا
وانا زايرتها ومشتاقه لها
كانت تتكلم معي عن شي بالشارع
قلت لها بحنية: اتركينا منهم وقولي لي كيفك واحشتني مرررره
قالت: طيب ركزي معي واسمعي السالفه اول واعرفي ماتقاطعيني اذا تكلمت!!
واذا صرت كاشخه بمناسبة وحاطه مكياج ولابسه جديد
كل خواتي واهلنا يمدحون شكلي الا امي
تقول: ليه لابسه هذا معرضك.. ليه روجك فاتح مبهت وجهك الخ
مستحيل تقول كلمة حلوه وانا الحمدلله واثقه من نفسي
وما انسى مره شريت لها جوال هديه
بعد شهرين لقيته مع اخوي.. سألتها ليه؟
قالت جوال اخوك طاح منه وانكسر فعطيته الجوال الجديد!!
الشيء الثاني انها ماتثق كثير بذوقي
يعني اذا عندها مناسبة او شيء تروح تسأل اختي اللي اصغر مني
وتاخذ رايها باللبس والتقديمات والديكور والمكياج وكل شي
واختي هذي مو متزوجه وخبرتها بالحياه اقل مني
بس امي تشوفها فاهمه بكل شيء جديد بحكم صغر سنها
يمكن تعتبرون هالاشياء سخيفه
بس انا تضايقني
ابي علاقتي بامي تكون افضل من كذا ومو عارفه كيف
ولا ابغى اسمع كلام حاد منها لاني كبرت ودخلت الثلاثينات
مافيني والله اتحمل حده وهجوم
الموضوع مغلق