شاركي في النقاش

سجلي الدخول لإضافة تعليق.

التعليقات

38
  1. @ayma1

    طنشيه
    وشغلي نفسك عنه بشي ثاني لاتصرين لصقة
    وبطلي تسالين عن كل شي وتهتمين فيه زيادة
    عن اللزوم
    الاهتمام الزايد يطفشه منك
    واهله يمكن ما يرتاحون بوجودك مافيه انسجام بينكم
    سبيهم براحتم لحد ما هما يبدوا يسالون عنك
    ويعزموك
    اذا حسيتي ان مافيه تفاهم بينك وبينهم حاولي تبعدين عنهم
    ولا تفكري بالطلاق ابدا ترئ شي بسيط
    زوجك يمكن بس حس بانك مراقبته
    عشان كذا يتصرف بهذا الشكل
  2. @am_hlal1234

    ابحثي عن اهتمامات تطورك وتشغلك
    فكي عن الرجال شوي
    احمدي ربك مو مزعجك في اهله وزوريهم ووجبيهم ومن هالكلام
  3. حبيبتي برايي زوجك مابيحس فيك الا اذا عاملتيه بالمثل انتي بعديه عن اهلك وهو جمب اهله وليل ونهار متونس عندهم وانتي من الزهق والملل مركزه كل تفكيرك عليه وماحد يلومك البعد عن الاهل صعب افضل حل سوي زيه لا جا جلس معاك اتصلي علي امك لو اختك وتكلمي معاهم بالألغاز ولو سالك قولي عادي مسال عائليه لا رحتو سوق اشتري لاهلك هدايا قدام عينه وهو خلي يولي لا تحسسينه بشوق او غيره او أي شي زي ماهو مهمشك همشيه واذا تكلم او قال انتي مقصره وكذا قولي عادي حبيبي هالاسلوب تعلمته منك مافيها شي خليه يحس علي دمه
  4. @am_rama123

    يااختي ياحبيبتي انتي قلتي سبب المشكله والوضع هذا اللي صاير لك في بداية موضوعك لاتزعلين مني بس السبب منك
    لما تقولين احبه واحترمه واسوي اللي يبي ! انا ادري طاعة الزوج واجبة علي وعليك وعلى كل مؤمنه بس مو بالشكل هذا .. الرجل يجب يكون حر وله الحق الكامل مثل ماانتي تبين تروحين لاي مكان بدونه او بدون عيالك وتاخذين راحتك لو شوي من المسؤوليات
    لما قلتي يروح لاهله بدوني ؟ اكيد لانه بيجلس معهم بدون رسميات بدون قيود لما اخته تجي من سفر اكيد له فترة ماشافها واللي فيه خير لاهله صدقيني بيكون فيه خير لك ومستحيل يتركك بعد العشرة
    انا زوجي لما نجحوا اخواته اخذ كيكات وبالونات وهدايا بعد لكل وحده ماهم متزوجات ورب البيت ماشلت في خاطري ابد ولا قلت ليه مااخذتني معك بالعكس فرحت هذولي اخواته تعرفين وش معنى اخ او اخت ؟ يعني مابدالهم احد
    اعطيه حريته خليه لاهله بدونك وروحي لاهلك وانسي هالشي ترا الرجال بعدين يطفش اذا شاف الحرمه ميته عليه وتلاحقه وتنشب له خليه هو يدورك ويحبك من جد مو كذب مثل ماتقولين
  5. الرجال طبعه مايحب الحرمه اللي تلاحقه سبحان الله عليهم دماغ مشقلب حبيه واهتمي فيه والصقي فيه يطفش ويزعل ويتهرب لكن طنشيه واهتمي بنفسك وهو اخر اهتمامك يلصق فيك
    صدقيني يالغلا لو ماغيرتي في نفسك ماراح يتغير زوجك
    اولا اكثري من الدعاااااء في كل وقت وعلى اي حال وتحري ساعات الاجابه اخر الليل بين الاذان والاقامه اخر ساعه من الجمعه وقتالسفر انه يسخر لك قلب زوجك ويحننه عليك ثانيا اتركيه في حاله لاتفتشي وراه ولاتسالي عنه ولاعن اهله اذا راح بالسلامه الله معاه اشغلي نفسك باي شي افتحي النت شوفي فيلم المهم اعطيه طنااااااش بشرط انك تكوني مبسوطه مو طناش زعل لا اعطيه حقوقه وقومي بواجباتك ولاكانه موجود ساعتها يقعد يفكر هذي ايش تحت راسها ليه تنبسط اذا خرجت وتلاقيه مايكمل مشواره الا وهو راجع واذا رجع خليك على التلفزيون وانتي فاتحه مسرحيه وكركري ضحك واذا شفتيه ناديه تعال لاتفوتك المسرحيه تموت ضحك الرجال مايحب الخنقه والحياة العسكريه في بيته مايحب النكد حاولي وطبقي نصايح الاخوات ويارب يرده لك ردا حميدا حتى اذا جا من اهله اسالي عنهم باهتمام كيفهم عساهم طيبين وادعي الله يجعلهم في خير يارب وخلاص لاتفتحي سيره عنهم ولاتكثري اساله
    وبالتوفيق

تابعي تجارب أخرى من هذا القسم.