احنا للان ماتملكنا ارض الله يسهل علينا يارب لان حاليا ندور على وحده بحجم و سعر معقول
لان الاراضي بالشرقيه نااااار
احنا و اهلي اغلبنا اتبعنا الطريقة لتيسير شراء ارض من بداية الزواج نتملك ارض رخيصه باي مكان و مع السنوات ترتفع سعرها ممكن ماتوصل للضعف لكن مبلغ يساعد
ومن جهة ثانية نوفر من الراتب جزء شهري وانا متعاونه مع زوجي في هالموضوع حتى سفرات مافي واذا بنسافر اماكن نختار وقت مايكون موسم و نروح بمبلغ بسيط لمدة يوم او يومين لترفيه عن النفس طبعا مانحرم نفسنا عن اي شي لكن صرفيتنا بالمعقول جداااا لان السفرات و المتعه و التمشيات بنخليها بعد مانستقر في بيت العمر و طبعا اكيد بنحتاج للجمعيات اللي تكون مبالغها كبيرة اللي تساعد اكثر في مجموع الارض . والبناء نعتمد على الصندوق العقاري و الجمعيات
طبعا هذي الطريقه ساعدت كثير من اهلنا و معارفنا يتملكون و يبنون بيوت وطبعا تحتاج فترة طويلة من الوقت لكن اهم شي يبدا بداية صح مو اذا طاف من السنوات ولقى نفسه محتاج يستقر بعدها يكون ضحية للبنوك وتسديد لهم لسنوات طويلة من العمر وفوق هذا ربا
والله يسهل و ييسر علينا جميعا و يرزقنا بيت الحلال الملك في الدنيا و الجنة في الاخرة
كيف تملكتِ أرضا؟ وكيف استطعت البناء....موضوع لتبادل الخبرات, وشحذ الهمم.
متابعة النقاش، صفحة 3