زوجة خالي مهملة بزوجها ونفسي انصحها

حرق القهوة او الشاي ممكن يصير في أي وقت واي مكان
الحوادث هذي اذا ربي كتبها وقدرها على الانسان مهما كان حذره ما يمنعها الحرص
والمفروض ما هاوشها على هذا الشي ابدا لان مافيه مثل اهتمام الام بعيالها مهما قال ومهما قالوا غيره
يعني بالله فيه ام ترضى بنتها تحترق !
هو زعلان من سفرها يتعامل معها على هذا الاساس يناقشها في سفرها ويمنعها تسافر مره ثانية بدونه او يسافر معها
ويرجعون او حتى هو يسافر بعد عشر ايام ويقول ارجعوا معاي خلاص اشتقت لكم ولبناتي ماراح تقول لا


لكن لا يشكك في اهتمامها في بناتها او يقول بجيب وحده تهتم فيهم اكثر منك !! ما الومها في الرد لان الحكي مستفز وغير منطقي
اذا يبغى يحل اخطاءها لازم يعرف كيف يناقشها اول
وحتى لو فكر يطلق ويتزوج غيرها بيغلط نفس الغلطات لانه هو الاساس
- ليه ما تفاهم معها ورفض او فرض شخصيته عليها وقال ارجعي الوقت الفلاني او قبل العيد حجز لها ولبناته وطلب منهم يرجعون او راح وتمشى معهم يومين ورجع فيهم
- وليه الاتهامات وحكي عن الزواج الثاني وسوالف مالها داعي تحسس الطرف الثاني انو الطرف الاول بايع وشايل عليه ويسهل على الطرف الثاني الاستجابة بعزة نفس والتفكير اللي يبعني برخيص ابيعه ببلاش !

الفرس من خيالها والمره من رجالها...خل يضبط بيته واسرته وماتطلع مرته من شوره الا من ضعف بشخصيته ...وما انصحج تدخلين بينهم ..وتهديده بالزواج من ثانيه ماله سنع خل يستريح وحده ومو قادر عليها يبي ثانيه بعدهههه
عساه بحمله يقوم بس

انا اصلا مو شايفه أي تقصير من جهتها ومثل مالرجال يحبوا يطلعوا ويغيروا جو مع اصحابهم واهلهم هي كمان تبغى تروح تستانس خصوصا ان عندها طفلتين ممكن عند اهلها يساعدوها فيهم وهي تريح شوي واكيد خالك مو متساعد معاها في البنات وغير مسؤولية البيت المراه الصراحه يجيها اوقات تطفش من البيت والاطفال خصوصا لما يكونوا صغار وولدتهم ورى بعض!!
انا مااحب اللي يتدخل في حياة الناس الا لو طلب منه !!!ولو تبغوا تساعدوه اطلبو منه يجيب شغاااااااله تساعدها في البنات وهي تتفرغ له لو يبغى الاهتمام على قولتك!!!1

مادري ياختي خليها على راحتها
لاتنصحينها ولا شي كيفها هي حرمه كبيره ام مو بزر
خلي زوجها يادبها زي ماهو يبي
وهو زوج بعد مخلي المرعى ترعى
طول هالسنين توووووه يحس ويبيها تتغير بيوم وليله
لذا ياختي لاتتدخلين بينهم لكل شي عقوبه


اما على الحرق برجل البنت
انا احترقت زيها واشد منها يمكن وانا جالسه بجنب ابوي وعمي كنا برمضان وعمري اربع سنين وعلي شورت وجنب عمي دلة القهوه توها محطوطه عمي طخها بكوعه ونكبت على فخذي كلها ماشفت الا اكسف والمروحه قربت لوجهي الا ابوي وعمي شايليني مع هدومي للمغسله ويركضون فيني للطوارى


هذا الشي صارلي وفخذي بفخذ ابوي وبفخذ عمي يعني متربعين جنب بعض بقوه ماحماني احد ولا انتبه لي احد
الحامي الله لذا الا هالامور قضاء وقدر تصير بلمح البصر بدون انتباهه


وولدي باخر يوم برمضان وانا معي المكوى اكوي دخل ايده بسرعه بجانب المكوى وانا اكوي يعني موحاطتها واريحه لا ابعده ويجي ابعده ويجي اخرتها بلمح البصر يدخل يده وتلسعه المكوى واصير اللسعه كبيره وواضحه كل من شافها قال وينك عنه قلت انا ماسكه المكوى اكوي
لذا فيه امور وانتي منتبهه تصير قضاء وقدر من الله حتى لو اننا حرصين ،،،
اذا بالقران الله قال عن الموت انه مدرككم لو نفر منه مدركنا مدركنا حتى لو كنا باماكن ومباني قويه وحصينه
نفس الموت حتى لوحنا حرصين قضاء الله وقدره راح يصير مهما حرصنا بشده


لذا هالنقطه لازم تواجهين خالك فيه الباقي لاتتدخلين فيه
هم يحلون مشاكلهم بانفسهم
وهي حرمه ام ماهي جاهله ولا طفله تنصح خليها تتعلم وتتادب وهي شفتي ردها على زوجها تكبر وستعلا لان الزوج مهمل وتعودت على الامبالاة

الله يعين.