مرحبا بنات " بغيت مشورتكم بهالموضوع والله احترت ""
ولدي رايح لسادس ابتدائي وابوه اشترا له جوال " بس كان هديه له من ابوه لانه صام رمضان كله وختم القرآن ومواضب على صلاته
وانا نصحته وحرصته من الامور اابايخه وذكرته بربه وانه مطلع على كل شي " وهو ولله الحمد ولد مطيع " وطلبني يحمل الاستغرام عشان اخبار النصر وحسابات عمامه وخواله فقطط
قبل يومين فتشت جواله بدون علمه ولقيت رساله من بنت عمه بالاستغرام تطلب رمز الببي ورحت فتشت لقيته محمل الببي " مو هذي المصيبه " المصيبه انه فيه واحد من اصدقاءه مرسل له رساله يقول صور لي ( ط...) المعذره بنات " بس انصدمممممت معقوله فيه اطفال هذااا تفكيرهم !!!! ولدي على نيااته وما فهم عليه لان الكلمه نصه مشفر بالببي وماعطاه وجه وصديقه قال خلاص خلاص لاتزعل " وانتهت المحادثه" لقييته مرسل لولد عمه اصغر منه يسإله عن معنى هالكلمه وولد عمه وضح له انه ما تكتب واضحه بالببي "
المصيبه الثانيه محادثه بالخاص باللنستغرام مع ولد عمته يقول كلمت وحده ولعبت معه بليستيشن وحده ( ممح.....) وانا من امس مو صاحي ومنسعر "" هالولد اكبر منه بسنه فقط"
ولدي مافهم كلامه قال وش تقصد يافلان شبلى كلامك كذا " قال له خلاص لاشفتك افهمك..
انا هنا انهرررت وذبحته من الضرب وزعلت عليه لانه حمل الببي بدون رضاي وعاتبته قلت ليش ما قلت لي عن كلام صديقك لوسخ ""قال خفتك تزعلين يمه!!!!
بنات انا احذت جواله وقلت خلاص مافيه جواال ابددد""
وش الحل برايكن صديقه هذا معه بنفس المدرسه " وولد عمته وولد عمه دايم مع بعض وش تسوي تعبت والله من التفكير وعلى فكره تراه بدون شريحه الجوال"
انتظر ارائكم والمعذره على الكتابه " اكتب من الجوال ويعللللق علي " ومشكورات حبيباتي
شاركي في النقاش
سجلي الدخول لإضافة تعليق.
التعليقات
35- وانتبهوووووا لجوالات بناتكم وعيالكم انتبهوووا لا تنشغلون عنهم الله يحفظهم
- وعليكم السلام ورحمة الله وبركاته
حبيبتي الله يلوم اللي يلومك
وربي هذي الاجهزة والنت جابت لنا الدوش ف عقولنا وعقول عيالنا !!
الله المستعان
نصيحة رجعي له جواله وتفاهمي معه أنه مايحمل شي بدون علمك وإنه يوريك اللي مايفهمه ويستغربه عشان توضحين له الصورة ..
وابني جسور الثقة بينك وبينه وخليك قريبة منه .. تفهمي وضعه ..
كل العيال معهم أحدث الجوالات وشرايح نت واتصالات
فصعب يجلس بينهم بدون جوال ،،
كل اللي عليك تستوديعنه الله يحفظه ويحفظ بصره وسمعه وقلبه وعقله ودينه من كل سوء ..
وتراقبينه بإستمرار
وإن كنت جريئة فهميه أنت وأبوه كل شي بخصوص الجنس سواء الطبيعي او الشذوذ الله يكفينا الشر !!
بس أرجع وأقول لا تكسرينه وقوي شخصيته
والحمدلله الدراسة ع الابواب راح ينشغل فيها ويخف تعامله مع الجوال
وياليت يستمر بتحفيظ قرآن ينفعه دنيا ودين
ربي يصلح ولدي وولدك وساير عيال المسلمين - سجلت دخول عشان ارد عليك بس .. وش موقف ولدك منك ومن الي سويتيه ..؟
صام وقرا قران واجتهد طيلة رمضان وكان جزاه انه يتحمل غلطه غيره !!! وان الجوال ينسحب منه لـ أن غيره ما تربى واخطأ .؟؟
تصرفك غللللللللط وبتخلين الولد ما يتحمس يسوي شي ابدا صالح وبيصير يخاف منك لـ أنك تضربينه .. وما راح يعلمك بـ اي شيء
نصيحتي سوي الي غلطتي فيه وصلحيه وابني جسور الثقة بينك و بين ولدك ..
انسخي المحادثات ووريها زوجك عشان يتفاهم مع الولد ل ان سكوتك حرام وضياع لولد عمه وهو بمثل سنه ولو كنتي مكان ام الولد كنتي بتتمنين أحد ينبهك
ثانيا اجلسسي مع ولدك وفهميه حكم هالاشياء وقولي له انت صرت كبير وتميز الصح من الغلط وهالاشياء تهز عرش الرحمن من كبرها ومن هالكلام ..
وفهميه انه مايسمح ل اي احد يتكلم معه بهالاشياء ل انها اشياء خاصة - خيتي لا تهزين ثقته بنفسه ... رجعي له الجوال وفهميه ان هذا غلط وان مو مشكلة لو حمل الببي او اي شي غيره بس كل شي و له استخدامه ... واذا انتي قريبة من امهات الاولاد مو مشكلة لو تعلميهم حتى يتفاهموا مع اولادهم :)
- احرصي احرصي على تنبيه ام الولد وام البنت لـ ان هذا طريق ولدك وانتي مسؤوله اي شيء قذر بطريقة تنظفينه او تشيلينه عنه فـ كلمي امهاتهم ووريهم قولي معليه بس ادري غلط وما وريتكم الا انهم بحسبه ولدي واخاف عليهم زيه
مواضيع مشابهة
تابعي تجارب أخرى من هذا القسم.