الطلاق اما البقاء ساعدوني

اعتبرية صرافة وشيلية من بالك وامسكي بزورتك عالضعوف مالهم ذنب

كونه يمد يده بغض النظر انتي الصح او هو .. هنا لازم تتخذين موقف اذا فعلا حابه الاستمرار
بمثل وضعك متزوج , وانتي توك والده وعندك ماشاء الله عيال وغير موظفه
وزوجك مبدئيا رح يمنعك من اطفالك كل هالامور يبغالها دراااسه وناس تفيدك اكثر
وانتي تقررين بشكل حازم مو نص ونص ..
اول شئ زواجه اتوقعه نزوه كونها كبيره وموظفه ف الموضوع مصالح
يبغى يستمتع فقط ..... وقالها لك بنات الحمايل يتشرطون يعني يبغى يلعب الاخ ويبسط نفسه !
الشئ الثاني انتي توك نفاس ونفسيتك محتاجه تكون مرتاحه والله ياختي محد يسعد نفسك غيرك
لا تنتظرين احد يجي يساعدك وياخذ بخاطرك ولا تربطين سعادتك بشخص انتبهي وخاصه الرجل !
لانهم يستلذون بهالشئ وعمرهم ماكانوا سند انتهى زمن الي كانوا سند وظهر وعزوه ماتو من زمان ...
انتي تفكرين بالطلاق مارح اكون سلبيه و اقولك اجلسي عنده وحطي له الحلى والقميص ابو لمبه !
بس بعض الامور تحتاج موازنه وتنازلات في بعضها صحيح تعور بس تريحك بعديييين
اذا رجعتي لاهلك ومعاك عيالك رح يحرمك منهم هذا اول شئ طبعا ثقي ان الدنيا مو فوضى ولو بغيتيهم القانون بصفك
مارح يضيع لك حق بإذن الله ... بس اهلك حاسه انهم قادرين عليك انتي وعيالك ؟ يتحملون وضعك ع الاقل سنه ؟
مصاريفك الشخصيه وغيرها ؟ انتي تتحملين تكونين تحت الحساب ؟ وف بيت مشترك وزيك زي خواتك يعني مو مثل لمن تكونين ف بيتك ؟
قادره تتحملين هالامور ؟

انا من وجهة نظري اعتبري انك عند اهلك من هاللحظه وعيشي لنفسك اضغطي ع نفسك قد ماتقدرين كله عشان عيالك

اساسا انتي ناويه الطلاق ف عيشيه بكل تفاصيله بس ف بيتك وبين عيالك ..واذا انتي قادره تتوظفين اسعي لا تجلسين ابدا
ومتى ماكونتي نفسك " ماديا" لانه شئ مهم ف وضعك هذيك الساعه لا هو ولا امثاله له كلمه عليك ..

اذا مانتي قادره وحاسه نفسك كارهته استخيري وشوفي الي يناسبك ف امر الطلاق انتي صغيره والعمر بإذن الله قدامك
بس العيال يكسرون الظهر في بعض الاحيان كان الله ف عونك حبيبتي ...

شكلك عصبيه وجالسة تستفزيه من خلا ل كلامك وهذا اللي خلاه يمد يده عليك
لما قال لك اطلعي مع العيال ليش تعاندي وتتطاولي عليه بالكلام ؟!!!
حاولي تكسبي زوجك بالتعامل الحسن وشوفي كيف بتتحسن اخلاقه معاك
والحرمة الثانيه مالك دخل فيها اعتبريها مو موجودة عشان تريحي راسك
الله يسخره لك

حتا لو ردت عليه مو مبرر للضرب وياختي نصيحه لاتطلعي من. بيتك وتتركيني عيالك ويجيب من بنات ابليس وتتولاهم تري الرجال ماهمه الا الي خبرك اسالي مجربه الله ينصرك عليه يارب ومو. بعيده يجيب الي متزوجها عليك وتاخذ كل شي اجلسي علا قلبه

الله يفرج همك ياشيخه ويعينك ويصلحهم كلهم عيوني لاتستعجلين حاسيت فيك وكلنا تجينا لحظات وربي اقول مالي الا الطلاق لكن فكري وبعدين ؟؟ هو بيرتاح مني ومن مسؤليته وبيتفضى لغيرك وتشتيت عيالك وحمل على بيوت الناس وبصراحه الرجال العزوه اللي تنشد بهم الظهور ويخافون الله مو الاغلبيه فعشان كذا ريحي نفسك واهدي وفكري بدون العاطفه صدقيني لو الحرمه تفكر بعقله تلقى افكار جهنميه اقعدي على قلبه وامسكي بيتك ولاتفرحي الثانيات بطلعتك ماراح يستفيد الاهم لاتتركي بيتك لو على قطع رقبتك مساله المشاكل والنوم والحب والحنان اذا ماجات من نفس الانسان وخاطر طيب ولا المغني الله لازم نصبر الراحه بالجنه ومحدن ياعيوني مرتاح بس وش نسوي نفوض الامر لله الهدايه بيده