أنا الحمدلله من لما كان عمري 9 سنوات عندي الوسواس وأعتقد فقدته وأنا الآن تعايشت مع الموضوع وعمري الحين 21 بصراحة نخاف من الموت لأن حاطين في بالنا إنه سيئ ونهاية الحياة ! حنا مسلمين مؤمنين مصلين ليش مايكون الموت بالنسبة لنا راحة وجمال وحياة جديده أجمل ، والله كريم لطيف بعباده ، الخوف من الموت لا يمنعنا منه ! وغير كيذا تقولين أحلام وفزع ! لازم تعرفين إنتي لما تنامين إنتي تموتين موته صغرى ! وش اللي يخوف الموضوع ! ، غير كيذا أعرفي رحمة الله وفضلة وإحاطة علمه ، عشان تتخلصين من شئ إنتي لازم تتقبلينه وتعيشين معه ، وحتى تحبينه ! حبي الفكره في ناس يروحون للموت برجليهم ، الموت أحياناً كثيره راحة وهو فعلاً كذلك تحجزين خير أعمالك والله يكفيك شرها ويجعل قبورنا من خير منازلنا ، وينزل علينا رحمته ورضوانه ، قبل مانحيا كنا ولا شئ وومن الله علينا بفضله وجوده وكرمه ! والحين عبدناه وعرفناه ! أكيد بيجزنا بعد الموت بأفضل من مالدينا الحين ، عبادة حسن الظن بالله + تقبل الفكره + تراقبين أحوال الأموات كيف ، ماهم مختلفين عنا ولا أقوى ولا أقل منا ومن بينا راحوا إلى الله ورحمته وفضله وقبله رسولنا إختار الموت لما قال بل الرفيق الأعلى ! عرف رحمته وفضله ، وعرف كونه أكرم الأكرمين وإختار الموت على كل هذي الحياة .
* آحياناً أقول لو كانت الحياة أجمل من الموت لعاد الموتى ! بالحقيقه الإنسان عدو مايجهل ! لذلك نخشى الموت ! لكن حنا عارفين فضل الله علينا ومنه وكرمه لذلك لا فرق حيينا أو متنا .
اللي تعاني من وسواس الموت أو شفيت منه فقط هي اللي تتفضل أبي مساعدتكم
متابعة النقاش، صفحة 4