نفسيتي تعبانه..افكر اترك الحبوب..💫

صباح الخير ..
تقريباً الكل عارف وضعي زوجي وأمه وانها مريضة وكانت عندي بالبيت ..
زوجي ف يوم من الايام كنا جالسين مع امه ونسولف بمجرد مارحنا الغرفة الثانية قلب ابليس علي ويهاوش وكنت وقتها ماسويت شئ .. زعلت وكتبتله رساله ورجع اعتذر مني..
بعدها بيومين لقيت اخواته كانوا يسبون فيني واني مقصرة مع امهم وكذا وكلام غيره ف الصميم يعني وكان رده بارد جداً هذا النقاش صار بينهم نفس اليوم اللي خاصمني فيه ..
من بعد ماشفت الكلام وانا مو طايقته ابداً كارهته كره مو طبيعي .. الله شاهد وش كثر اتعب معها الاكل ماتاكله الا من يديني وتطلبني انا بالذات اسويلها ..
والراجل كل هالفترة صار يبعد وكل ماطلبته شئ قال لا واحيانا ينام بالصالة .. وجيت وحاولت اتفاهم معاه قال خليني ع راحتي وقلت كل اللي بخاطري عنه وعن خواته بس ماقلت شفت الرسايل قلت جاتني تلميحات ..
تعدل فترة ورجع لعادته الحين صاير بعيددددد عني اغلب وقته برا ويرجع يشوف التي في وينام .. حتى العلاقة مايسويها .. وطبعا الاقيه مريح نفسه هو اغلب الوقت ..
ارسلت رسايل وتكلمت معاه نبغى نطلع كم يوم لوحدنا نرتاح شوي وننبسط انا وانت .. يقول خير ان شاء الله ويتركني ..
ارسلت صور قلت يمكن يتحمس مافي اي مبادرات ..
كل مرة اجي احاول اسوي سهرة ولا شئ هو يسد نفسي يتصرفاته واكنسلها .. كلمته قلتله انو انا انثى احتاج كذا وكذا قال صحيح كلامك وزادت حركات الجفا ..
عجزت فيه .. وماعاد لي طاقة اتحمل كل مرة اشوفه كذا بدون سبب مقنع
.. شالحل معااااه ؟؟

9 تعليق 2,018 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_hanyh

    صاحبة الموضوع
    نسيت اكتب ان احس وضعي والعصبيه اللي انا فيها ..
    اتوقع من مانع الحمل لاني ماكنت كذا ابداً ..فافكر اتركها واركب لولب ، يعني بالعربي صايرة نفسيه اي شئ يزعلني .. مدري الحبوب ولا ضغوط علي .
  2. @arlyt_1

    انا رايي طنشيه انتي سويتي الي عليك غيري فنفسك وكشخي وخليك مطنشته هو يجي متى مابغى وادعي دايم ان ربي يسخرة لك
  3. انصحك تتركي الحبوب انا استعملتها سنتين ونص وربي نفسيتي دايم معصبه واي شي يزعلني وكمان ماييحتاج اخذ حبوب علشان علاقه مره فالشهر وتركتها ونفسيتي صارت الحمدلله افضل من اول ومو اي شي يزعلني عادي صحتي اهم من اي شي

تابعي تجارب أخرى من هذا القسم.