مجموعه دعم مابعد الطلاق... شاركوني قصصكم

لا ماندمت ابدا لانه باعني وبعته
حياتي عنده مافيها امان بالي دايم مشغول ماحسيت اني متزوجه او حسبت باستقرار معه الفرق اني كنت بحريه لانه فري اما عند اهلي لا كل شي ممنوع
من بعد طلاقي مااعرف اي خبر عنه بمجرد الطلاق انقطعت إخبارنا عن بعض وهذا افضل الحمدلله
اتوقع هو ماضره شي لانه رجل وعايش حياته يروح ويجي انا تضررت نفسيتي وتعقدت وكرهت الرجال والزواج وصرت مااثق باي رجل
مستحيل ارجع له لو يكتب قصر باسمي
الله اعلم اذا ربي كاتب تزوجت لكن حاليا ماعندي رغبه وكارهه الرجال
للحين مو مستج معه نفسي لكن نحاول لان طبعي حساسه
الصدمه تظل جرح طول العمر مع الوقت تخف لكن مستحيل تنسينها انيسط شوي بعدها اتذكر وترجع الضبقه

انا عكسك حياتي عند اهلي حريه وفلوس وطلعات وسفر وحياتي عنده كانت حبسه وفقر وحرمان بس الشي الوحيد الي متعبني الوحده والشعور بلضلم والعمر الي راح ماحد بيرجعه لي وعيالي الي عنده

انا تطلقت بفترة الملكه بسبب امه
الله يعوضني
لا ماني نادمه، الشي الوحيد الي نادمه عليه هو اني ماسألت عن امه ..
بنات الي تنخطب نصيحه اسالوا عن الام قبل الولد
تسالوا عن امه وابوه وخواته وكل عيلته
اللهم اجرني في مصيبتي واخلف لي خيراً منها

ماندمت لان انا اللي طلبت الطلاق واصريت عليه
لضروف صعبه جدا بس حياتي بعد الطلاق ابدا مو افضل ماتوقعت ان الطلاق بيقتلني لهدرجه اول ثلاثه شهور كنت متماسكه بس بعدها تعبت لاني احب زوجي واموت فيه زواجنا دام سنه بدون اطفال
صح كانت ايام صعبه بس كان فيها ايام حلوه
وسبحان الله بعد الطلاق ماتسترجعين الا ايامك الحلوه
بعد الطلاق ماعاد عرفت اخباره بكمل سنتين ومادري عنه اذا تزوج اولا
واتوقع هو بعد تضرر ولازم بعد يدفع ثمن اغلاطه لاني ماراح اسامح جرحي كبير حاولت اعرف وش صار عليه بس ماقدرت لانه مو من قرايبي
ارجع له بحاله وحده اذا فعلا تغير واصبح انسان سوي وهاذي فعلا امنيتي مستحيل انكرها حتى لو شلت عليه وحقدت بداخلي اتمنى يتغير واحسها مستحيله
رغم مرور هالوقت الا اني للحين اضيق وافكر صح اخف من اول بس بقى بالقلب جرح صعب يطيب
اخاف من العمر خاصه واني متعديه الثلاثين
واخاف يكون نصيبي معدد ونفسي ماتقبل
وبنفس الوقت ابي اطفال بس كنت ابيهم من زوجي كنت احلم واحلم بس الحمدلله على كل حال الخيره فيما اختاره الله
عند اهلي صح حريه واطلع واجي بكيفي بس مهما كان وصلنا لعمر نبي نستقل
حاليا انا فاقده طعم كل شي وماعادت تفرق معي انتظر بس فرج ربي

الله ييسر لك امورك ويكتب لك خيراُ منه