التجمع الخامس لأمهات مواليد ( ينايـ..1..ــر و فبرايــ..2..ــر ) 2016

الف مبروك ياقمر الله يفرحك بشوفته وهو عريس ان شاء الله ويرزق كل وحده باللي تتمنى

وياك يالغاليه انا افضل تشتري نيوبورن بس لفترة النفاس لانه يكبر عليه وبعضها تنكمش مع الغسيل وانتي مو عارفه اللي يحتاج , وبعد النفاس روحي قضي له اكبر تكونين عارفه اللي ناقصه واللي يريحه افضل

جهاز قياس الحراره براون في امازون سعره 150 ريال اما في محلات الرياض 300 فرق مره بالسعر
جهاز التعقيم بامازون تقريبا 180 ريال وما اعرف كم سعره بالمحلات مع اني عندي غساله صحون فيها نظام تعقيم فاحترت اشتريه او تكفي غساله الصحون ..
وقالت لي اخت هينا الله يسعدها عن جهاز شفط الحليب ميدلا لكن انا بكريه وما ادري ايش يصير معي ولا كيف برضع مع اني ما ابي ارضع صناعي بس محتاره فيه وما سالت عن سعره للحين ..

ياحبيبتي كل ماجا ببالي شي بجي اذكركم فيه ()

برأيي الغساله تكفي دام فيها تعقيم عقميهم وحطي اللي ماتستخدمين بالثلاجه , بالنسبه لشفاط الحليب اذا ناويه ترضعين طبيعي فهو مهم مرره لان الصدر بيعورك من تحجر الحليب خصوصا لو كان نايم ف يصير تشفطين وتحفظينه برضاعه اذا جاع تعطينه او حتى لاقام نص الليل وانتي بعز نومك يصير بس تسخنين الرضعه وتعطينه بس حطي ببالك كم مده حفظ حليب الام بالثلاجه ,
مقياس الحراره براون مره بطل خاصه اللي فيه اضاءه وسعره حلو لانه بيستمر معاك علطول ومو خساره ()