حياتي بعد زواجي ، فيه احد نفسي ،

جزاكم الله خير يابنات
انا عندي مطبخ وصاله وغرفة نوم لكن من يفتح عيونه يروح لأهله. يتقوى ويطلع اذا ابي اسوي شي يقول لاتسوين عند اهلي نأكل وأهله مانعينه اني ما أزور احد من قرايبهم.

الله يعينك العيشه مع اهل الزوج لا تطاق يصير زوجك يبي يبين لاهله انو ماتغير شي بعد زواجه والضحيه انتي تدمر نفسيتك لاتكتمي في نفسك فضفضي لزوجك بالي مضايقك باسلوب حلو ووقت يكون رايق

انتي حابسى نفسك عشان كذا جاك اكتئاب


اهله شكلهم زينين مدام يطقون عليك لاراح معناها يبونك


قهوتهم تلوع الكبد قومي سوي قهوة متسنعة
سوي حلا وتفنني
ادخلي لمطبخ ووريهم فنونك


زوجك متعلق باهله


واذا شافهم معجبين فيك راح ينبهر فيك ويطير بك




لا تستسلمين للاكتئاب لأنه بيطفشه منك وتخسرينه

الغريب انتي مو مرتاحه معه وتبين طفل


وتبين طفل وزوجك مو متوظف


ليش كذا وهالحوسه ؟
رتبي وضعك ابدي ناقشيه كلميه انك على الاقل تزورين اختك ، صحباتك


انتي تووظفي
ساعديه يلقى وظيفه


الرجال يبي تقولين له وش فيك
لا تتوقعين انه يفهم ليش تبكين
تراه مو فاهم بس يدري انك حزينه وبس

ياقلبي حاسه فيك وانا عروس كنت ببيت لحالي وبمدينه ثانيه واخوه ساكن معنا وزوجي طول الوقت جالس مع اخوه ياكل ويشرب وجلسه والتلفزيون واحد بس وعندهم وكمان طول الوقت برا البيت يجو هو واخوه وقت اكل ونوم بس وانا اكل واشرب ووقتي كله وحدي وبس ابكي واموت خوف وهو سهران برا وطلعه اتمشى مافيييه مو كأني عروس كلام ماينفع معه انصدمت منه كأنه صخر فقدت الامل يتغير وصبرت وماكان قدامي حل عند اهلي هذا مو سبب تجي تزعلي عشانه
وسبحان الله سنه ورا سنه بدا يلين معاي ويستجيب لرغباتي عرفني على زوجات زملاه وساريطلعني اتمشى
ماشاءالله تبارك الله والحين الحمدلله نطلع ونروح ونجي
كنت فاقده الامل قلت هذا طبعه وخلاص وقعت وماحد سمى علي بس سبحان الله دوام الحال من المحال مايفضل على الله الا الله سبحانه
قلت لك قصتي للعظه والعبره حتى لاتخربي بيتك دامه طيب وحنون وفيه صفات حلوه اصبري وصدقيني بيتغير شوي شوي وانتي افضلي وراه باللين كثر الزن يفك اللحام ولما تخلفي ان شاءالله يسير يطلعكم تحت ضغط الاولاد لما يطلبوه كنت احرش عيالي احفظهم وارسلهم هههههههه يقوم يبوسهم قال يلا مشينا
بس الصبر الصبر الصبر مع الاقناع وشوفي اي حاجه سلي نفسك فيها
ع فكره كنت اخذ الجرايد حقه وحقت اخوه يتابعو رياضه ويوميا ياخذوها واجلس احل الكلمات المتقاطعه هههههههه لا وابشرك لما يكون فيه مباراه يجمع اصحابه ويجيبهم يتفرجون عنده وانا كومارو حقهم اسويلهم قهوه وشاهي هههههههه هيا تخيلي شكلي واضحكي
وفليها وربك يحلها جبتي لنفسك القالون ماحد نافعك الا صحتك