شلون احضر طليقي فالواتس اب تعبببت 😔

تواصلي معه من جوال امك
وخلاص
الله يصلح بينكم ...

ماجاب اجلكم وعيشكم وهم وخيالات غير الواتساب
الوحده بس فاضيه ومتفرغه تراقب فلان متصل غير متصل ومتى اخر ظهور وتتخيل قصص وافكار كل ماشافت صورة العرض او الحاله اللي مكتوبه
والطرف الثاني ولا على باله عايش حياته طبيعي ومنشغل بدوامه واصحابه .... الخ


الحل معروف وواضح مثل الشمس وانتي عارفته لكن ماتبين تنفذينه
امسحي الواتساب من جوالك واستغني عنه اذا تبين تعيشين مثل الخلق والناس
واذا مره تحبين السوالف والخرابيط عندك برامج كثير بديله مثل BBM تضيفين فقط اللي تعرفينهم بدون رقم جوال


وبالنسبه لمكالماتك وتواصلك مع طليقك هذا من مداخل الشيطان يا اختي قفليه وتذكري انك الان ماتحلين له وشرعاً لستي على ذمته
احفظي ماتبقى لك من كرامه واقطعي الامور اللي تسوينها وخلي بنتك وطلباتها تتم عن طريق احد من محارمك
احفظي كرامتك قبل هو يقولها لك ابعدي عني وقت تكون بحياته زوجه ترفض تواصلك معه


وشي مهم احب انبهك له الجأي لرب العالمين بالدعاء والاستغفار واحمدي الله واشكريه على كل شي بحياتك وكوني راضيه ومؤمنه بالقضاء والقدر خيره وشره
وعلى فكره اللي انتي فيه من الفراغ والفضاوه .. فراغ الروح والنفس وهذا تملأينه بالعباده والعمل الصالح ، وفراغ الوقت اشغليه بالعمل او الخروج تسليه مشاوير مع اهلك جددي نفسيتك
بالعربي لا تجلسين فاضيه اطلاقاً ، لان العقل ان ما اشغلتيه بالعمل راح يشغلك بالتفكير في كل شي بحياتك


الله يشرح صدرك وييسر امرك

الله يهديك اختي ريانه العود
مو زين تشمتين فيهم
وش دراك يمكن طلقها وهي تبيه
وفي كثير مطلقات حياتهم تعذرت مع ازواجهم يجلسون طول عمرهم مع زوج مو صالح؟
من حقها تشوف حياتها مع غيره ولا لحالها ..
انا اقول لصاحبه الموضوع .. اكتبيله رساله انك خلاص مارح تتواصلين معه عشانك محرمه عليه
واذا بغى شي يكلم امك وغيري رقمك او عطيه بلوك

الله يعوضك بالزوج الصالح.