مينى تارت الشوكولاته من مطبخ الشيف مونى بالصور

السلام عليكم ورحمة الله
مكونات عجينة التارت:
400 جرام دقيق
250 زبدة طرية
100 جرام سكر بودرة
2 بيضة كبيرة
فانيليا
(وطبعا مكونات التارت مفيهاش بيكنج بودر)
مكونات الشوكولاته للحشو(هو جناش بس عملته تقيل شوية)
200 مللى فريش كريم
350 جرام شوكولاته مقطعة او مبشورة
40 جرام عسل جاوكوز (ممكن الاستغناء عنه او استبداله بعسل نحل)
وللتزيين:
كريم شانتى
كريز طازة
(او حسب الرغبة)
الطريقة:
اول حاجة هنعمل عجينة التارت فى اناء هنحط الزبدة والسكر بودرة

ونضربهم بالمضرب لغاية مايمتزجوا

ونضيفلهم البيض والفانيليا

ونضربهم لغاية مايختفى البيض من الخليط

ونضيفلهم اخر حاجة الدقيق

ونضربهم بالمضرب وأول مالخليط يبقى عامل زى حبات الرمل هنوقف الضرب

وهنجمع العجينة بايدينا وطبعا هتبقى طرية فهنغلفها ونحطها فى التلاجة لمدة نص ساعة ولما نطلعها نفردها بين ورقتين خبز

وهنجهز قوالب المينى تارت وهندهنها كويس

وهنحطهم على عجينة التارت بالقلبة

ونقلبهم فهتبقى العجينة فوق القوالب

وهنساويهم كويس فى القوالب وهنخرمهم بالشوكة عشان ميرتفعوش جوة الفرن

تاااااااااااابعونى
هكمل المشاركة الجاية

7 تعليق 3,351 مشاهدة

شاركي في النقاش

سجلي الدخول لإضافة تعليق.

التعليقات

5
  1. @alshyf_mon

    صاحبة الموضوع
    وهنحطهم جوة صينية وندخلهم الفرن على درجة حرارة متوسطة

    واثناء والتارت جوة الفرن هنحضر الشوكولاته فى كسرولة هنحط الفريش كريم لغاية مايغلى

    هنطفى النار اول مايغلى ونضيفله الشوكولاته المقطعة

    ونقلب لغاية ماتدوب الشوكولاته

    ونضيفلهم عسل الجلوكوز

    و
    نقلبهم وهنطلع التارت من الفرن لما يستوى واطرافه تحمر

    حطيت الشوكولاته فى المينى تارت ورسمت عليه بالكريم شانتى وده شكله بعد التقديم













    وبالهنا والشفا

تابعي تجارب أخرى من هذا القسم.