ذبحني يمه ذبحني 💔

جييت ابشكي الحال ، جيت ابي افضفض
بقولكم الي شافته عيني يمكن الكلام والفضفضه
تخفف غمي وهمي ،


ااااه يا حسسرتي على عمري


مستوعبين توني 21 سنه ، بس ورب البيت
صرت كأني اربعين سنه من الي شفته ،


متزوجه من سنتين ونص ، وهالسنتين كبرتني كثيييييييييييييير ..
كبرتني فوق ما تتصورون ،
يستشيروني عشان احل مشاكلهم بحلول عقلانيه
بعيدا عن العاطفه ،
ويوم جت مصيبتي ماقدرت احلها
معقوله عقلي توقف؟
مو طبيعيه حالتي اشوف الغلط واسكت
واكمل كلامي عادي


ليييييه ماعندي ردت فعل للمصيبه الي قدامي
وش ذا البرووووود الي جاني


انا جد مصدومه من حالي
معقوله ماعاد لي احساس؟


واجهت امور واجد بزواجي
كنت اشوف واسكت واتغاضى
اقسم بالله ان الشيب براسي
والهم يا كبره بقلبي


زوجي وحبيبي وروحي كسرني للمره المليون
بس هالكسر غيييييييير عن الي قبله
ذبحني يا بنات ذذذذذذبحني


قال لي بروح ادخن
وقلت بقلبي اكيد بيحشش نفس كل مره
وابدا مايتغير شي بزوجي اذا حشش
بس يقعد ينكت وعيونه تصير حمرا ويعطش
لو احد شافه راح يحلف انه طبيعي مافيه شي ،


خليته ورحت لغرفتي ، صليت الظهر ودعيت ربي يهديه
بعدها صليت استخاره كعادتي ودعيت ربي يقرب لي الخير
ان كان بالطلاق او يبعده عني ان كانه شر لي


نظفت غرفتي ورجعت للصاله


ااااااااه يا ليتني مارجعت لها
يا ليتني مت قبل ماشوف قلبي وروحي بهالحاله
شفته واقف عند الدريشه ، توقعته يدخن
بس حط يده ع فمه انصدمت
يبي يوقف ماهو قادر ؟
كانه يبي يتكلم بس مسكر فمه بيده
ياربي زوجي حبيبي وش فيه
على بالي يستعبط بحركاته
رحت وقعدت ،
جاني يبي يقعد بس مايقدر يمشي
قمت اضحك
وهو يبتسم ويحاول قد مايقدر انه يمشي
بس مايقدر ، يروح يمين ويروح يسار
قلت بس خلاص لا تستعبط امش عدل


قعد جنبي ومسك بطنه كانه يتوجع
فجاه قعد يبتسم ورفع راسه
ويغمض عينه ويفتحه ويرجع يغمضها
ويبتسم مره ويتالم مره ويرجع يبتسم
ويترنح جسمه مع انه كان قاعد
يروح يمين ويروح يسار


قلت تعبان؟ ، ابي اسمع صوته شلون يتكلم
قال اييييييي والله قلت تبي بنادول قال
بنادول بنادول ، اكلمه والرجال مو صوبي
يبتسم ومع نفسه ، اقرب وصف له هو كمام الولاده ، بالضبط نفس وضع الي تستخدم الكمام


ماتحملت اشوفه ورحت لغرفتي


دخل علي بشكل اسسسوأ من الي قبله
بشكل مسسستحيل انساه او اتناساه
موقف بحياتي ماتوقعت انحط فيه


يا بنات و يا امهات ، وربي ذذذذاكرتي
مليانه مواقف صصصصعبه مواقف من صغري تكسر الظهر
ماحب اتذكرها ، وغصب علي اتذكرها كل ليله
والحين زدت عليهم هالموقف ،
ياربي خلااااااص كفايه كيف ابستحمل كل ذا
وربي من الصدمات انعدم احساسي


دخل علي كانه يبي يركض بس مو قادر
يمشي يمين ويسار وكانه ينقز يبي يركض


الصوت ماهو صوت حبيبي ،
هذا صوته قذر ، يرن باذني للحين


قالي ولسانه ثقييييل
شوفي لا تقولين لاحد زين
ترا ماافيني شي
انا مافيني شي
انا فيني جفاف
مدري هبوط مدري شجاني
انا مو تعبان اوكي لا تقولين لاحد


والشغاله ترتب وتسمع 💔
قلت زين زين زين وراح للصاله
قلت للشغاله تروح ..


ورحت لزوجي بالصاله
قال كلمتي احد قلتي لاحد
قلت اكلمهم ليش قال ليش
قلت انا اسالك شبي فيهم اكلمهم
قال عشاني تعبان قلت انا ماشوفك تعبان
مافيك شي ، بعدين البنادول عندك ،
هم وش بيسوون لك؟ بيودونك الطبيب غصب؟
اسسسستانس وابتسم قال اي انا مافيني شي
وقعد يهذري
شي بحياتي ماشفته الا بالافلام
كل صدماتي فيه ادور لها حلول بعيدا عن الطلاق
مو عشانه بس عشان عيالي ، عندي بنتين جميلات حرام احرمهم من ابوهم ، دامه مو مقصر ، وشره بس على نفسه .




لكن وربي لما شفت وضعه وشفته كيف يمشي ويتكلم
قلت ضروري اتطلق ، مابي بناتي يشوفونه بهالحاله


ياربي لا تصصصصدمهم بابوهم
لا تصدمهم بتاج راسهم وقدوتهم ،
الهي بناتي ، الهي بناتي




انا تربيت بعائله ولله الحمد ماعندنا هالخرابيط
وابدا مو مقصرين علينا بشي
وكنت احسب الناس كلهم كذا ،
بس انصدمت وتاكدت اهلي مافي زييهم


معقوله في عيال يشوفون ابوهم سكران؟
وش راح تكون هالعايله ؟ وش راح يطلعون
العيال بالنهايه؟


عشان كذا قررت الانفصال


حياتي راح تكون اصعب .
راح تكون صصصصعبه بكثير
متاكده اني بدال ما ابكي الليل لحالي


راح ابكي الليل والنهار
ومو لحالي


امي وخواتي وابوي الي ظنوا اني اسعد انسانه
بهالزواج متاكده انهم راح يشاركوني دموعي


راح اتحمل مسؤوليه كبيره
راح اشوف نظرات تكسرني من الي حولي
راح اشفق على نفسي كثير


انا هذا قراري بس ما ادري متى اتكلم


هالخطوه ثقيله علي حيل


تعرفون نظرة الناس للمطلقه
طبعا عيالي ومستقبلهم اهم من نظراتهم


بس الواحد ابدا مايقدر يتجاهل هالشي


ما تتخيلون وش كثر اتمنى اغمض عيني وافتحها
واشوف نفسي متاقلمه مع هالطلاق


انا جد ما استحمل كل هذا
وربي شي فوق طاقتي


بناتي شلون بيستحملون؟
بنتي الكبيره سنه ونص
متعلقه بابوها بشكل خيالي


شلون ارد على اسألتها اذا بغت ابوها


انا شلون اعيش واتحمل المسؤوليه لحالي


اااااخ ياربي كن معي
وساعدني

45 تعليق 14,801 مشاهدة

شاركي في النقاش

سجلي الدخول لإضافة تعليق.

التعليقات

42
  1. @kho_mrh_1

    عالجوه هوالان بحاجتكم زوجك غرقان محتاج أحد ينقذه .السم لاعب فيه لعب . حاولي تبحثين عن احد يجي ياخذه ويعالجه .
  2. @raykh_18

    والله لو ان مافيه خير قلت اطلعي وشوتيه برا حياتك
    وابد الطلاق ما يخوف والحياه ماتتوقف عند رجل
    لكن دامه كويس وابن حلال
    رأيي من راي اخواتي الي قبلي
    كلمي احد يعالجه
    لاتتركونه يضيع اكثر
  3. @taabt_ashky_2

    عالجوه يختي كل تاخير ياخر من فرص الشفاء
    لا تهملين الموضوع وتقولين بتستر عليه وراح يبطل
    لا الموضوع يحتاج وقفه حازمه ومن رجال
    شوفي اقرب شخص له وله كلمه عليه وعلميه
  4. جوفي انا انصحج ماتتركينه ،، بس خوفيه كانج صج بتتركينه ،،قرصيه عطيه قرصه عشان يصحى على نفسه خلج جافه معاه وكانج خلاص عفتيه وماتبينه ومقتنعه بلانفصال ،،وعقب مايحاول معاج قوليله كل الي بقلبج وانج بتعطينه فرصه اخيره ينظف نفسه وقوليله اذا تبي بساعدك وبوقف معاك تترك هالوصاخه بس اذا ماتركتها خلاص انساني وانسى هالعيشه الي بيننا لانك اخترت تنهيها
  5. @galaksy_4

    ما ابغا اقولج تطلقي عشان ما هدم بيتج
    بس سكراان ياختي !!! أخاف ان قعدتي معاه وسكتي يتمادى وممكن ياذيج وقتها
    لانه مب في وعيه !! ولا تنسيين انه حرااااااااااااااااااااام حطي تحت هالكلمه مليوون خط
    وانتي تقولين ان بناتج متعلقين فيه
    تخيلي يشوفونه سكراان أتوقع راح تكون صدمه كبيره لهم صح!!!
    الله يعينك

تابعي تجارب أخرى من هذا القسم.