خففو عني همي وأعطوني حل لمشكلتي

السلام عليكم ورحمه الله وبركته كيفكم من زمااان عندكم
اليوم جئتكم وفيني هم مايعلم فيه غير ربي سبحانه
ابغا نصيحه تعببببت من وضعي وحياتي ومن زوجي اه اه
ما ادري وش اقول بس انا بغربه ووحده وهذا هم لحاله
ولا زوج يحس ولا يداري اول مشكله هجره لي يجلس بشهور ما يقرب مني انا كيان جسد روح احتاجه جنبي
احتاج كلمه حلوه همسه بدرت وحاولت فيه الين حسّيت نفسي بدون كرامه ايه بدون كرامه لمن تجي ايام تكونين مشتاقة لزوجك ويضرب لك الحايط ولا كانك تروح كرامتك صبرت وعشت لنفسي واولادي بس يجيني لحظات اشتاق له وإحتاجه ولا القاه
المشكله الثانيه يا بنات اتعب احط اسوي كل الناس تمدح الا هو ما يعجبه اي شي اسويه بس نقد نقد نقد تعبت اقول ليه كل الي حولي يمدحون طبخي وشغلي الا هو ينتقد ودايم يحط اني مقصره مهما اسوي ماعمره قال يعطيك العافيه على شي سويته بالعكس ستريق عليه
المشكله الثالثه اولادي اي شي خطا يسوونه هذي تربيتك مليون مره قالت له يتأثرون بالعالم الي حولهم لا انتي ما ربيتيهم ما علمتيهم الخطا من الصح وإذا قالت لهم شي قدّامه يكسر كلمتي الين صارو ما يعبروني
اعذروني طولت عليكم بس والله ما طلعت كل الي بخاطري الهم الي داخلي كبيييير وأحس خلاص تعبت الله يجزاكم خير أعطوني حلول اقدر أغيره فيها ولو شوي

16 تعليق 3,093 مشاهدة

شاركي في النقاش

سجلي الدخول لإضافة تعليق.

التعليقات

16
  1. @mn_thak_alzman

    أول شي لازم تحبي نفسك




    حاولي تجلسي معه وهو راييق
    وطلعي كل اللي بقلبك له أهم شيء تكوني على سنقه عشره وقويه وأنتي تتكلمي
    ولا تلزقين فيه مرره
    أشغلي وقتك عنه بأي شيء
    عطيه شعور أنك مو بحاجته وأن لك شخصيه مستقله
    بعض الرجال يكرهون الحريم اللي تلاحقهم
    أهتمي بنفسك من ناحيه لبس وترتيب شكلك
    لا تنتظرين منه مدح على طبخك ولا أي شيء خليه يسمع هو بنفسه
    لا تسالينه وش رأيك سواء ب لبس طبخ تنظيف
    لأنك تعطيه فرصه ينتقد
    بالنسبه لاولادك إذا قام ينتقد
    وقولي له الأولاد مسوليتنا إحنا الأثنين
    واليد الوحده ماتصفق ياشاطر
    وعاقبي أولادك إذا ماسمعوا كلامك
    طبعا بدون ضرب
  2. @hoaaa_ana_akhtha

    وعليكم السلام ورحمة الله وبركاته
    أولاً ياحبيبتي عليك بقراءة سورة البقرة
    ثانياً إلا ستغفارررر
    ثالثاً الدعاء
    أسأل الله العلي القدير أن يسخر لك زوجك ويؤلف بين قلوبكم وأن يصلح فيما بينكم ويجعلكم قرة عين لبعضكم

تابعي تجارب أخرى من هذا القسم.