كلام والفاظ زوجي لي الله المستعان

الشيخ عبدالمحسن الاحمد حكى عن قريبته من محارمه انها جات له تشتكيه انه زوجها مثل زوجك لايرضيه شي وانه متعبها نفسيا وهي تحاول جاهده لارضاءه بكل طريقه عشان تسعده
قال لها الشيخ عبدالمحسن عليك بترديد قول اللهم ارض عني في كل وقت ولاتنسين قيام الليل والله انه بدايه سعاده لك وتفريج همك وتسخير كل الكون لك
ثقي ان الله اذا رضي عن العبد تسخرت له السموات والارض فكررري هذا الدعاء وانت على يقين بالفرج ولاتنسين الاستغفار
نهايه القصه ان قريبه الشيخ عبزالمحسن جاته بعد مده من الزمن وقالت له جزاك الله خير والله انه من بعد هالدعاء اصبح زوجي مسخر لها بعد الله فلاتياسين من رحمه الله

لا تنصحونها بطلاق يابنات انا مطلقه واعرف ماذا يعني الطلاق لا تنصحون ان شاءالله سوف تجدين الحل الغلا

يقولتس يخيتي الرجال ع ماتعودينه
يعني لاقال وش هالوجه قولي ازين منك ولا انت اللي خالقني عشان تعيب
واذا قال قعدتس تملل قولي الباب يفوت جمل وبعارين
طنششششششيه ولاتعطينه وجه ولاحب ولاقلب

شوفي ياوخيتي لا تفكرين أني أضغط عليك أو مو حاسه فيك
أنتي بذات لازم تكسبين زوجك لأن مالك بدنيا الا هو هذا الي فهمته من كلامك
ماعليك من الي يقولون تطلقي تطلقين وين تروحين
وفيه مثل يقول الكلام الين راح بالحق البين
لا اسمعك تقولين كيف أقول كلام حلو وهو جارحني انا قلت لك أذا جرحك
قولي ليه كلمه وحده ماهقيتها منك وبعدها قومي بواجباته ولكن خليك رسميه
لا تردين الكلمه بكلمه لأن على كذا ماراح تنتهي مشاكلكم يمكن أنتي أحيانا تستفزينه بردك
لي بنت عمي قلبها قشطه لكن وقت الزعل لسانه يلق أذانه أنتبهي تطونين من هالنوع
أنا نصحتك أمشي على شوري فتره مو يوم وبعدين ترجعين تقولين لي الرجل ماطاب مايمديه يطيب بيوم
لا خله يحس أنك تغيرتي بعدها شوفي تغير أو لأ
أنتي مشكلتك مو زوجك أنتي حياتك كلها مكركبه وأعرف مجروحه وتعبانه
حاسه فيك وأدري أنك بحاجه رجل يوقف بجنبك ويطبطب عليك
وأعرف أن قويه وذكيه ما أجاملك أنتي قلتي وضعك بكل صراحه وتدورين على حل
هذا يدل على أنك واعيه
الرجال كلهم فيهم أنانيه يفكر بنفسه أول سواء زوجك أو غيره
علشان كذا ولظروفك وضعك الخاص أنتي الي لازم تلمين الموضوع وتحاولين تعاجين وضعك
لا تقولين ماني قايله ماني مسويه أصحي ترى أنتي لحالك ماحولك أحد أفرضي طفش منك وقال
تراك طالق وين بتروحين تنامين بشارع مثلا
لأ أمسك مجنونك لا يجيك الي أجن منه

الله يكون بعونك نصيحه الاستغفار وقيام اليل يعمل المعجزات مع الصبر وحسن الظن بالله وبتشوفين كل خير بس داومي ودئما رددي اللهم اجعل همي الاخره ، اللهم انى الى ما انزلت الى من خيرا فقير ، اللهم إلف بين قلبونا واصلح ذات بيننا انك على كل شى قدير . دئما وانتي تشتغلين لا تقعدين ساكته رددي ادعيه اذكار ولا تملين ولا تقولين دعيت ولا فيه فيه فايده احسني الظن بالله والتغير بيجي بئذن الله لو بعد حين .