يالله يابنات لندن خلونا نتعارف ونستفيد من بعض((موضوع قديم,, ويوجد تجمع بنات بريطانيا)

متابعة النقاش، صفحة 24

شاركي في النقاش

سجلي الدخول لإضافة تعليق.

التعليقات

358
  1. هلا والله

    وحده فلبينيه ولها فتره طوووويله عندها والثانيات ماني متاكده من جنسياتهم بس وحده معمرررره مع العايله هذي!!!

    وكانت تخليها تطلع تجيب الاولاد من المدرسه جنبهم وتوديها مشاوير ومكرررررمتها على الاخر ولبسها احسن من لبسنا لدرجة اني مره غلطت فيها احسبها وحده اعرفها!!!

    بس هم يهربون لانه مهما زودتيها في الراتب ما يوصل للدخل للي تحصله من اي شغله هنا غير الحررررريه على اصولها!!

    اللي ماهي محتاجتها ضروووووووري لااااا تجيب

    البيوت صغيره والشغل قليل واذا على الدراسه تدور لها بيبي سيتر مسلمه او دي كير

    والله يسهل على الكل
  2. @dowain

    11صبا11 مثل ما قالت ~¤§الآآآآســـره§¤~: في احتمال كبير انها تهرب خصوصا اذا كانت فلبينيه . تقريبا اكثر من اربع شغلات هربوا من قرايبي خلال الخمس السنوات الماضيه لما كانوا يجون في الصيف و مثل ما قالت الاسره كانوا مكرمينهم و كل ما يبون يشترون لهم و يطلعونهم...بس في عصابات هنا يغرونهم خصوصا اذا كنتي في مدينه كبيره مثل لندن و صعب انك تحبسينها هنا و الا تجيبلك مصيبه ثانيه...بما انك ستدرسين سجلي من الحين طفلك في حضانه الجامعه و شغل البيت ان شاء الله سهل و تعاوني انتي مع زوجك و تتسهل الامور ان شاء الله و البيوت هنا صغيره ما فيها خصوصيه اذا بكون معاكي شغاله
    و بالتوفيق
  3. 11 صبا 11 يا عمري

    البيوت هنا يالله تتحركين فيهاااا!!!

    ما تقدرين تعزمين اكثر من اربع خمس بنات بالكثير

    وين بتودين الشغاله؟؟

    كيف تجلسين مع زوجك؟؟

    الجدران كانها شيفون كلللل شي ينسمع من وراها!!!

    اذا على الشغل ترا الشغل هنا قليييييل مقارنة بالسعوديه

    ونسقي مع زوجك ومع وحده مسلمه تمسك ولدك او حضانه puplic (حكوميه) وبترتاحين ان شاء الله

    لاااازم من التعب بس مع الترتيب والتنسيق بيمشي الحال

    والله يعينك
  4. @almbdaah_2006

    مرحبا بنات لندن انا مش من لندن بس ابي اطلع لها في اجازة الاسبوع ابي اسال هل فيه سبورماركة ينباع فيه الاغراض المتعارف عليها في رمضان او البقالة العربيه وكيف اسعارها
  5. @dowain

    11صبا11 مثل ما قالت الاسره صدقيني البيوت هنا صغيره و بالنسبه للدراسه تقدرين ان شاء الله حاولي تنظمين وقتك تدرسين وقت نوم طفلك او يمسكه ابوه كم ساعه و هكذا و ان شاء الله حضانه الجامعه ارخص او childminder مثل البيبسستر بس تكون مسجله عند البلديه و عاده اسعارهم ارخص و تحصلين مسلمات ان شاء الله..و بالنسبه للطبخ مو لازم كل يوم و اشكال و انواع طبق واحد و سلطه الحمدالله و في هنا اكلات جاهزه لاوقات الزنقات و لذيذه و التنظيف تقدرين تجبين وحده تنظف بالساعه مره في الاسبوع. و استاجري بيت او شقه فيها غساله و نشافه و بعد غساله صحون يسهل عليك كثير
    بس تقولين سيلانيه ما تعرف انجليزي ترى في جاليه كبيره سيلانيه هنا
    و اذا الاجانب يقدرون بدونهم احنا نقدر بعد ان شاء الله

    المبدعه ما اعرف الا الوادي الاخضر عند ادجوير رود في اشياء عربيه و في بقلات اخرى اصغر على شارع ادجوير رود اما الاسعار متوسطه

تابعي تجارب أخرى من هذا القسم.