انا اوقف في صفة زوجة اخوي ضد اخوي واحس اني ظالمته

هي على حق بس مهيب على حق في انها تطلع عيوبه وخصوصياته وتطلع من بيتها وهو حلف لها واقسم ماله علاقه باحد بس ما ادري اذا يكذب او صادق وانا ما ادري اذا هي متاكده او لا

والله العظيم ما الومها بس اللي ضيق صدري يقول انا ماغلطت ولا كلمت احد وهي فضحتني عند اهلها وانا مانيب جالس في رجاها وباتزوج

احنا ماودنا انه يتزوج عليها ولاودنا بعد يجلس كذا دون حرمه بس امنوا على دعائي الله لايوفق كل بنت حرام تكلم رجال متزوج الله يشغلها في نفسها بكثرة الامراض وتترك الناس في حالها

اذا السالفه فيها خيانه اكيد اخوووك هو الغلطان ولكن بعد مرت اخوك غلطانه عيب تفضح زوجها قدام أهلها وبعد انتو لازم تجلسون مع اخوك وتشوفون وش سالفته هل فعلا يخونها ووش سبب هالخيانه واذا هو يحبها ومش مقصر ليه الخيانه أساسا في شي غلط بينهم لازم يتصلح واجلسو مع الطرفين وتفاهمو مايصير كذا قولو لاخوكم اذا تبي بنت الناس لا عاد تخونها واذا ماتبيها خلاص سوي الي تبيها وخليها بحال سبيلها تشوف نصيبها مو معقول الي يصير

محد ضرب البنت على يدها واجبرها تكلم لولا وجود طرف راضي ومستمع وممكن مستدرجها بعد ,,
يعني اخوك ذنبه على جنبه , لو له علاقات المفترض يقطعها ويحترم انه انسان متزوج مايرضى زوجته تسوي نص حركاته ,,


انتي لو متزوجه وزوجك راعي علاقات مارح تجلسين معاه وان جليستي راح تكونين مو مبسوطه ومضغوطه وفي مشاكل وهموم ,,
وهي اختارت راحة بالها وماتبغى تصبر على هالشي واغلب البنات كذا الا من رحم الله ,,

امسكي اخوك على جنب وقوليله حتى لو زوجناك ثانيه هل بترضى بعلاقاتك ونزواتك ؟
وانت بتجلس مبتلش من حرمه لحرمه لان لسا مو ستوعب عندك بيت المفروض تحافظ عليه مو تهدمه علشان علاقات محرمه,,
لو جات غيرها من قلك انها بتصبر ؟
خوفيه من رب العالمين وانه يمكن حتى لو اتزوج ثانيه ممكن تكون انسانه مثله وراعية مكالمات وعلاقات ابتلاء من رب العالمين,,
يعني انتو بتورون له وحده تصبر على علاقاته ونزواته ولاكيف ؟
لازم هو يتعدل علشان يحافظ على بيته,,
وانا مع زوجة اخوك الصراحه ممكن الوحده تصبرع الفقر والعصبيه وعلى اشياء كثير الا العلاقات واللعب مع البنات ,,
لو مكانك بسحب نفسي ومستحيل اروح ادورله عروس او اتدخل فيه ,,
وبنصحه باللي اقدر عليه ,,