مشورتكم بزوج متعدد تكفون نصيحتكم

شكرا لكم
لكن أنا مو موظفة وما كملت دراستي وهو يقول يقدر يفتح بيتين
المشكلة انه ما يحب الطلعات والخروج كثيير
و انا مع أهلي نخرج تقريبا كل اسبوع مكان يعني مادري اشي اسوي

الاخوات اللي مأيدين جزاكم الله خير وحده منكم تكلم زوجها يخطب صاحبة الموضوع مدام كل هذا حب فيكم لمصلحة صاحبة الموضوع وانها تخلف لها ولدين حب لاخيك ماتحب لنفسك والا بس هياط هنا،،
الله يسهل لك ي صاحبة الموضوع لان دخولك على ضره جدا صعب وتقدري تتجاوزيه في حال عدم معرفتك فيها لكن بما انك تعرفيهااسأليها اذا موافقه توكلي ع الله واذا مي موافقه انفري بجلدك لانها ماراح تريحك بحياتك،،،

وهذا حنا نحب لها مانحب لأنفسنا ونتمنى لها مثلنا تتزوج وتخلف لها ولد يشيلها بكره ويوانس وحدتها .
وهين الهياط اللي تقولينه وحده شاورتنا واللي جاها مو زوجي ولا زوجك لا لان رجالنا موهم اللي دقو بابها دق بابها اللي راغب فيها ويبيها ع سنه الله ورسوله . ورجالنا لو يبون يخطبون ماشاورونا ولا أخذو رأينها .ولاراح ينتظرونا حتى نقول لهم بنخطب لك فلانه ولا علانه لانوى محد بيرده .
وبعدين وحده تقول لك مافيه عندها خيرات وعمرها مايساعد ع الانتظار
كيف تنصحينها أنها ماتخذ متزوج بس لانه متزوج .لو قلتي فيه بلاء او اي شي قلنا معك حق .
وبنسبه لزوجته مين اللي تقبل زوجها يتزوج عليها ؟!! ناادر جدا
وبعدين مافيه شي بشرع يقول تستشار زوجته ! وبصراحه أهانه لها لو سالتها !
وبعدين وش عرفك أنها ماراح تريحها يمكن وحده تخاف الله وعاقله وعارفه أنه هو اللي راح لها .
والرجال مايكون رجل لو ماوقف كل وحده عند حدها.

هنا العضوة عمرها تعدا ال35 والخاطب الي دق باب اهلها وخطبها
تتوقعين بترفض علشانه متزوج !!!
مو هي الي لبست عبايتها وراحت لبيته وقالت تعال خطبني
اذا ماخطب العضوة صاحبة الموضوع خطب غيرها
خلاص حط الفكرة براسه والله لايتزوج لو اثيوبيه
للمعلوميه في فرق بين بنت ال18 والبنت الي تعدت 35
من وين نجيب لها الاعزب اكثر العزاب متزوجين ومخلفين قبل لايدخلون ال30
والارامل من الرجال ينعدون على الاصابع
والمطلقين قليل الي يوافق عليهم ماحد يبهم مطلقين الوقت يخوفون
انا اي وحدة تعدت ال35 وجاها متزوج واخلاق وثقة انصحها توافق عليه
قسم بالله مارضى تدخل علي ضرة ولا ارضى اخذ معدد
بس نرد بالعقل
الانثى مو هي الي تخطب وتدق الباب علشان نقول لها استني الافضل والا اخذي مطلق
هو بكيفنا او كيفكم نقول اخذي مطلق او ارمل يمكن مادقو بابها
الانثى عندنا تستنى الباب يدق
اخذي ارمل مطلق اعزب هي مو بالكيف
الله ارسل لها الرجال ماارسل لامطلق ولا ارمل
وش تسوي مثلا
نقول لها اجلسي بدون زواج صعبه
كل انثى تتمنى تصير ام
الامومة هي الي تخلي الانثى تتزوج لو متزوج خاصة العمر لقرب من الاربعين
ومشاعر الاولى بتزعل من زوجها دق باب الناس
قبل لايتزوج
هو الي جرحها مو الثانيه