تربيتنا وما غرسناه في نفوس واطباع اطفالنا... ..

الله يكتبلك ويكتبلنا الاجر في تربيتنا ..
.ويعطينا الصبر...
وصادقه المدرسه عالم اخر .الطفل يتعلم منها اخلاق اخرى..
نحتاج الدعاء جدددا لعيالنا بالهدايه...
والاخلاق الحميده..

اختي غدوري....
تسلمي ع ذكر نقاط تعليمك لبنتك..
واستفدت من اسلوبك..معاه..
بنقطه..االلي هي:


علمتها ان الكتاب بدا بعد البلوغ وانه لازم تعبي كتابها حسنات وتحتسب كل شي تسويه 



يسلمو ....


نووووورتوني جميعا ..الله ينور طريقكم

قبل البلوغ كنت اقول حرام وواجب ولازم واربي شوي شوي


بعد البلوغ قلت لها انتي الان صحيفتك نظيفه وجديده ما فيها ولا ذنب ما شاء الله عاد انتي فكري وش تحطين فيها ( خرشتها )

علمته
الصدق يعني صار من نفسه لو غبت ورجعت يقولي من حاله انه فعل وسوا مع علمه انه ممكن اخاصمه
علمته الاهتمام والانتباه لاخته واخوه الي اصغر منه من الكهربا وغيره ماشاءالله يعتمد عليه في ديه الشغلة
اذكار النوم الخروج البسملة وحمدالله بعد الاكل حتى في شرب الموية ولو نسي بسم الله اوله آخره اداب الاكل عموما والشرب مثنى وثلاث
اذكار دخول الحمام والخروج
حفظته آية الكرسي وآخر آيتين من سورة البقرة ولدي عمره 6سنوات
ومن شوية شفته مجمع اخوانه وبيقرأ عليهم المعوذتين والاخلاص واية الكرسي وخواتيم سورة البقرة وينفث عليهم بيقلدني يعني
علمتهم النظافة حتى بنتي سنتين الا ااكلها شي تبكي تقول يدي يدي يعني اغسلها يدها اقولها نظيفة ومع ذلك لازم اغسلها
علمتهم السلام عند الدخول وسلام واحضان قبل النوم وبعد ما يجي من المدرسة
علمتهم كل ما وصخو المكان يلمو الاوصاخ حتى بنتي الي عمرها سنتين
علمتهم لا يسلمو عالاغراب
ولا يكلمو الكبار
الا اذا كان استاذهم او عمهم خالهم او لو كانو مع ابوهم عادي يسلمو ويكلمو
وعلمتهم عالخطف والتحرش
نسيت اهم شي
علمته الثقة بالنفس كيف
يعني اقوله اهم شي انت تحب نفسك اهم شي
يعني لو احد قالك ما احبك لا تزعل اهم شي انت تحب نفسك
وفهمته انت تعرف نفسك انك شاطر نظيف وووووو
فلو احد جا وقالك انت مو كدا انت مو كدا لا تزعل لانك عارف نفسك
كدا فهمته وصار شعار لنا اهم شي الثقة بالنفس
وعلمته انه كل شي بالمحاولة لانه كان عندهم فرط حركةوتشتت في الانتباه فكانو يتعلمو بصعوبة وكدا ويعصبو لو ما عرفو يسوو الشي فأجي اقولهم كل شي بالمحاولة وفعلا يحاولو يحاولو ويسوو الشي وينبسطو ويقولو كل شي بالمحاولة
وحاجات كتير

احنا امي ربتنا انه لو جلسنا عالسفرة ما نبدا الا لما ابونا يبدأ
ودحين كدا بأسوي معاهم
وعلمته حاجات حقت كبار شاهي قهوة فصفص
لانه في اطفال اشوفهم يشربو شاهي وكدا ما تعجبني زي ديه السلوكيات
وغازيات من سابع المستحيلات
حلويات لا
لو مرة مرة كيكات الب من البقالة
وعصيرات لا برضو الي مو طازة