بعد استئصال المرارة

السلام عليكم ورحمة الله وبركاته
انا قبل شهرين تقريبا جتني الام المراره وسببت لي التهاب حاد في البنكرياس
فأضطريت اني اسوي العمليه بجدة بمستشفى العسكري والحمدلله سويتها قبل اسبوعين و3 ايام شالوا المراره وحصلوا فيها تقريبا 300 حصوه
لكن حالياً اعاني من الغازات ومر بالفم واكثر من مره اكرمكم الله استفرغت بلغم مع عصاره صفراء واليوم الصباح استفرغت اخضر لزج مع ان اكلي شوربه مع قطع دجاج واكل لي تفاح اصفر او خيار ما ازود
مدري هل هذي الاعراض طبيعي او لازم اروح المستشفى ؟ بصراحه انا خوافه من درجه اولى ياليت تطمنوني او وحده صار لها مثلي

8 تعليق 7,218 مشاهدة

شاركي في النقاش

سجلي الدخول لإضافة تعليق.

التعليقات

8
  1. @am_rym505

    الله يتمم عليك الصحه والعافيه وانا اكتشفوا عندي حصوات بالمراره بعد معاناه طويله وقررو لي الاثنين الجاي عمليه وخااااايفه منها مرررره اختي ممكن تشرحين كيف وضعك بعد الافاقه من العمليه وايش نوع البنج اللي عطوك وريد ولا اكسجين وهل الوضع قبل العمليه احسن ولا بعدها والله يشفيك ويشفيني ويشفي مرضى المسلمين اجمعين
  2. @baad_almrarh

    صاحبة الموضوع
    ام ريم الافضل انك تسوين العمليه ولا تخافين امرها بسيط باذن الله
    بالنسبه بعد الافاقه عادي جداً ما تحسين بآلآم مره خفيفه جداً جداً وتحسين ريقك ناااااااشف مرررررره هذا الي كرهته انا شوي
    بالنسبه للبنج انا عطوني اكسجين ,, كنت خايفه ماراح اتخدر ههههههه على نياتي مادري الا 5 دقايق وكل شي اسود وبعدها الممرضات يصحوني من النوم
    بالنسبه للوضع ... اكيد بعد العمليه افضل بكثيـــــــرررررررررر .. قبل كنت اشوف الموت خصوصا انه التهب علي البنكرياس وارتفعت انزيمات الكبد بسبب المراره
    بس نصيحه لو قالك الدكتـور كلي اي شي على طول لا تسمعين كلامه خليكِ شهر كامل على اكل مسلوق وممنوع الاملاح والدهـون عشان الكبد يتعود ان مافيه مراره ولا يلتهب عليكِ
    والله يشفيكِ ويطلعك بالسلامه يارب ومثل ماقلت العمليه بسيطه جداً لا تخافين ... مدري ليه انا كنت متخوفه مره منها لكن الحمدلله اني افتكيت من الآم المراره الحمدلله

تابعي تجارب أخرى من هذا القسم.