السلام عليكم ورحمة الله وبركاته..
الله يرحمها والدتك ويغفر لها ويسكنها الفردوس الأعلى من الجنة..
طيب يا أختي اللي فاضية من خواتك التقي فيها و إذا مايقدرون كل أسبوع على الأقل كل أسبوعين مرة، و أهل زوجك ممكن تجتمعين فيهم بعد..
ممكن تقترحين على خواتك مثلا بين فترة وفترة تطلعون كلكم مع عيالكم تتمشون مع بعض وتغيرون جو مع بعض..
و مثل ما قالوا لك البنات عزيزتي ، حاولي تشوفين لك حلقة تحفيظ قرآن واشتركي فيها و تكونين لك صحبة صالحة بإذن الله..
اشتركي في أعمال تطوعية أو ادخلي معهد حاسب آلي أو انجليزي لو حابة أو كملي دراستك حتى لو انتساب أو ممكن تشتركين في دورات تطوير الذات حتى لو كانت عن طريق النت المهم أشغلي وقتك بشيء مفيد..
و تبين نصيحتي حبيبتي خلي سعادتك منبعها داخل نفسك لا تربطينها بأخوات أو صديقات و طلعات وجيات لأن الآن أغلب الناس لاهين مع أنفسهم...
حلوة الجمعات أكيد لكن لو ماحصلت لا تضيقين صدرك ولا تكتئبين بالعكس حاولي تبحثين عن نفسك وتشوفين هواياتك ايش مثلا قراءة ،رسم،أعمال فنية...الخ
المهم نظمي وقتك واعرفي هواياتك و اننشغلي في رضا ربك ثم فيها عن الناس..
اجلسي مع عيالك أكثر حفظيهم قرآن سولفي معهم أكثر العبي معهم ..لو طلعتي مع زوجك وعيالك ابذلي كل جهدك في تجنب الأمور اللي تسبب الخلاف بينكم و تعكر طلعتكم..
الله يشرح صدرك غاليتي ويوفقك لما يحبه ويرضاه..
حبيباتي واخواتي دلوني ابي ارائكن 💋
متابعة النقاش، صفحة 2