ماانصحك يخرج من الغرفة ولا تحرميه من حقه الشرعي تري يدورون الزلة والعذر عشان يعددون فلا تفتحي على نفسك باب ..لكن بناء عن تجربة لا تخليه ينام الا فيغرفتكم وانتي وعيالك اخرجوا وناموا في غرفة قريبة لما يناموا عيالك استودعيهم الله ونامي في غرفتك ونامي معاه بداية الليل وبعدين انتقلي مع عيالك في غرفتهم لانه تري بعد فترة هو راح يفتقده في الفراش ويسير يطلبك تنامي معاه لكن لو تعود ينام وحده في غرفةغير ع فة النوم راح يتعود على الوحدة ومحد ينام معاه
والله يختي .. انا زوجي من النوع اللي يكرف برا البيت احيانا يجي ينام ع الكنبة ولا هو صغير اقدر اشيله ولا انغص نومته واصحيه عشان غرفة النوم .. طبعا هو ينام بالصالة احيانا البنات يزعجونه يرجع غرفة النوم .. وهكذا لكن مايسويله غرفة خاصة هذي لا بينام بالصالة خليه ينام .. اما غرفة وبمفتاح ودنيا ماله داعي .. واحيانا ازعاج البزورة ودك تبكين منه وهو ماعنده فرصة ينام الا ال8 ساعات هذي كمان انغصها عليه !! اما انا عندي مجال انام واتقلب واتسدح .. مرات اسحب فرشتي واجي عنده ومرات اروح غرفة النوم اذا تعبت من ظهري .. وبناتي مسويتلهم غرفة بس للحين ماتعودا للاسف
بنات قررت انيم بناتي بغرفة وحدهم اليوم ان شاء الله والصغيره مررا نومها زفت لكن نحاول صح ماعندي جناح لكن الغرفه مو بعيده بنيمهم بغرفة التلفزيون هذا بيت اجار وباذن الله كلها كم سنة ونفتح بيت ملك وبكون لهم غرفة خاصة وبضبطها تضبط اخليها جنه
لكن حاليا صعب اسوي لهم غرفة لان تقريبا مافيه مكان فيه مجلس النساء مرررررا كبير ينفع نقسمه غرفتين بس قهر ابني له غرفة وفي الاخر بنطلع
اللي تقول عادي انا ماحب بصراحه قهر ينام بغرفة مستقله ويجي متى يبي ويطلع واللي يقهرك اذا صار يقول يالله تصبحي ع خير ويدخل ويسكر اقدر اللحقه واجلس معه وانام بعد بس مابي ع فكره سبق وصارت اول كان يحب ينام بغرفه وحده ومررا كنت اتعب ثم حتى ايام الواكند مايرجع الغرفة لانه تعود لكن هين خليه يسويها ويشوف وش بصير شوفو اول ما انجب طفل عادي لانها انا مشغوله بالبيبي وتعرفون تقريبا كل ساعتين يقوم واطر افتح النور اغير واسوي رضاعه وووو عشان كذا اريح لي وله لو يطلع لكن حاليا ماشوف فيه عذر تراهم يستعسرون شوي قبل النوم وبعدها ينامون الى الصبح او اكثر والصغيره كلبه انيمها بالارض واقوم احصلها طلعت ونامت بيننا ع السرير