شوفوا وين ركبني .. آه يارب ألطف بنا ! / قديم

السلا

السلام عليكم .. اختي عذرا على ردي بس عندي أسئلة وين أهلك؟ يرضون تروحين مع طليقك مشاوير عيالكم؟؟ وهذا أول مشوار تروحيه معاه؟؟ يعني ما صار لك كثير من تطلقتي لا تفكرين كثير بالي صار بس حطي ببالك أشياء البنات ذكروها هنا وبذكرك فيها تمشين مسافة عشرين كيلو حتى تحصلي تكسي أحسن بألف مرة من تطلبي أحد ولو كان أبو عيالك خصصي موبايل خاص للعيال اشرفي عليه بنفسك للعيال وطلباتهم متى ما احتاجوا يكلمون أبوهم ولو في تطعيم أو تسجيل أو أي مشوار خلي أكبر عيالك بنت أو ولد يروح مع اخوانه أو خليهم كلهم يروحوا مع أبوهم والحين العائلات كلهم سواء متزوجين عزاب كلهم على الليموزين كلمي جاراتك من نفس المنطقة أكيد يعرفوا سائق يتعاملوا معاه حتى أنتي بنفسك يمكن مش شرط لضروريات لعيال أو البيت ما يصير بخاطرك تطلعي مع عيالك وترفهين عنهم؟؟ أنصحك بالوظيفة وتتعاملي مع ليموزين ثقة والعيال خلي تواصلهم مباشرة مع أبوهم لا تتواصلي معاه اسأل الله إن كان في رجعتك للأبو عيالك خير وصلاح يعجل الله فيها وإن كان فيها شر يرزقك بالأفضل منك ويرزقك بر أطفالك

انتي الحين منتي زوجته اكيد مايجوز تركبين قدام

فعلا

الحين عادي تركب مع تاكسي فيه اجنبي الله اعلم بنواياه ومب عادي تسوق سيارة؟؟!!!انا ماسوق سيارة مع ان في بلادي عادي جدا بس مستحيل اركب في تاكسي