انا وسلفاتي حسبي الله ونعم الوكيل ..

تبين ترتاحين أشطبي على الجميع و لا تحاولين تكسبين أحد
و عيشي حياتك و أبعدي عن القلق
خلي علاقتك رسميه بسلفاتك و بأهل زوجك و لا يهمك وش يفكرون فيه و لا شي
روحي لهم أبو ساعه زمان أدي الواجب ألي عليك و أمشي
وخلي كل شي رسمي ترتاحين والله

والله اهل الزواج ماهما كانوا طيبين ولا يتصنعون الطيب البعد عنهم افضل ولو فيهم خير ماكانوا صدقوا سلفتك الكذابه انا شوفيني سلفتي قدامي ومنافقه وكذابه وتسوي حركاتك عشان تقهرني بس ماعطتها طناااااش الا اذا قالت شي بوجهي امسح فيها الارض واهل زوجي توبه اذا دخلت لهم بيت لأنهم منافقين وكذابين ونص مشكلي بسببهم الله لايوفقهم وجعل ربي ياخذ حقي منهم

خلي الأمور تمشي عااادي ومصير سلفتك الجديده تدري عن نواياها وخلاص وانت يخلي علاقتك مع سلفتك الجديده عاديه ولو رسميه احسن كفايه انقرصتي من وحده وبعدين زي ماقلتي اهم شي زوجك وانتي مرتاحين مع بعض طز بالجميع

ماتقدر تكسب سلفتها الجديده يابنات دام اهل زوجها داخلين بالموضوع
انا مره تزوج اخو زوجي وانا مختلفه مع اهله ومع سلفتي مثل سلفتها حاقده حاسده واهل زوجي يصدقونها وبوقفون معها
وقلت مابي اعتزل سلفتي الجديده بعزمها ببيتي وبسوي لها سفره وببدأ معها علاقه طيبه حتى مايشوهو سمعتي عندها وتصدقهم وعملت لها سفره قهوه الكل انبهر منها ومن كبرها ومثلها موالح وشاهي وكلها عمايل يديه مافيه شي من برا
ايش سوت اخت زوجي حطت يدها من ورى العروس وتمشي بها رايحه اقول فين ماشين بدري قالت اخت زوجي سنها يعورها قلت طيب بعطيها بندول وتجلس تسولف لاتاكل حلا قالت اخت زوجي لاماتحب العلاجات
لاحظو اخت زوجي اللي تنكلم ذيك مثل البكماء تفلت عيونها ومحتضنتها اخت زوجي بطريقه مضحكه
وبعدها سار يمنعها زوجها باوامر من امه لاتجيني هم اللي يتزاعلون معها امهم تمنعهم يخلون زوجاتهم يتواصلون معها وهنا ندمت ع اللي سويته
الخلاف بينك وبين اهل زوجك انسي السلفه الجديده
انك تفتحي معها علاقه طيبه رح يسلطوا زوجها يمنعها منك والعيله كلها ضدك وزوجها مع اهله وبيفضل يكلمها عنك انك فيك وفيك
نصيحه انسيهم بحريقه تحرقهم ابني علاقاتك برا هالعيله
افضلك لاتندمي مثلي طلعوا كلهم سلايفي الجداد امعات
مافيه وحده منهم قالت معرف منها الا كل خير وبتبادل الزياره معها ليش وش دخلني انا في مشاكل بينها وبين اهلك لا زوجها مانعها عني عادي معاهم معاهم عليهم عليهم
والكل مقاطعني حتى العرايس اللي معرفهم ولايعرفوني ههههههه انا زوجي كان يمنعني مثل اخوانه بإيعاز من امه
بس مستسلمت له قلت وحده مابيني وبينها شي ليش اعاديها واقاطعها مالي شغل انا باهلك يتزاعلون معها وانا ازعل عليها معهم ليش وش حشرني بينهم انا بس سلفاتي ماعندهم شخصيه

يا حبيبتي ألزم ما عليك زوجك وأطفالك

إذا علاقتك تمام لزوجك لا تشغلين نفسك بمداحر الحريم
وش عليك منها وش تسوي مع السلفة الجديدة؟! معليش أحسك إنت مشغلة نفسك فيها وتراقبينها .. يختي ما لك دخل ترى مراقبة الناس تجيب الهم
كبري دماغك وأنا أختك
والله إني أقوله ناصحة لك