السلام عليكم
مثلا ماتشوفون عنوان الموضوع
انا ربي بلاني بام تعشق الجوال لدرجه فضيعه
طول وقتها عليه بكل وقت حتى عند الناس
غير التبسم للجوال والمحادثات الكثيره
واللي زاد الموضوع غرابه انها حاطه رقم سري للجوال
عمري 28 مطلقه ووحيده ماعندي خوات بس اخوان
احس بكابه وضيقه صدر ماعندي احد بالبيت اشكي له واسولف معه
واللي زاد الطين بله ان معااريسي كلهم متزوجين
وااذا قلت مابي متزوج قالت وش رافعه خشمك عليه
قلت موب رفعه خشم بس مابي احرق قلب بنت الناس
اذا جيت اسولف معها ماتعطيني وجه مشغوله بجوالها
المغرب الناس تتقهوى وتسولف وتضحك وحنا كل واحد بالجوال
صاير روتين بيتنا ممل كئيب
المشكله مو بس انا اللي ملاحظه كلن يقول امك وش معلقها بجوالها
واحيانا الناس تضحك ان امك بعمر كبير وطايحه بالاشياء
مافيه برنامج ماحملته
واتس انستقرام سناب كيك وبي بي
بالسناب مافيه مشهور ماضافته و24 ساعه اذا بتسولف معي
شفتي اللي بالسناب وش يقول شفتي ذا وين راح
واذا تكلمت عن خالاتي تقول ماحب الحشى بالناس طيب والتكلم بالمشاهير وشو
ارحم نفسي الكل عايش وانا لا يطلعون يروحون ينبسطون
انا اذا قلت خل نطلع تقول الاسواق اشر الاماكن طيب والجوال موب شر
نفسيتي كل ماله بالحضيض
صايره دايم بغرفتي مااطلع وعادي عندها
وكل مانزلت تحت تكون بجوالها وابتساامات واذا تكلمت عن نفسي وحظي شاشت علي
انا تعبانه ماترحميني طيب ليش التعب يروح اذا مسكت جوالها
مره طلعنا مع صديقتها للسوق وحنا بالكافي ماسكه جوالها وحنا نتمشى ماسكته رجعنا للبيت مسكته
قالت صديقتها ياساتر وش فيه جوالك ماسكته زعلت ودخلت وسكت عليها
صايره تنام وتسكر الباب عليها وبالجوال
فيه جوانب كثيره بحياتنا اهملتها والسبب جوالها
احيانا وحنا بالطريق ابوي يسولف وهي ماترد مشغوله بجوالها ارحمه
بتقولون توظظفي انا وضعي مايسمح
ابوي يتعذر بالمواصلات من يوديك ومن يجيبك
وش الحل بنات اقبل باي متزوج واريح نفسي
شاركي في النقاش
سجلي الدخول لإضافة تعليق.
التعليقات
15- صراااااااحه انا اكررره هالحركات لا تزعلين مني بس انا الواتس حذفته وجوالي الجلاكسي بعته وشريت نوكيا القديم عشان هالبرامج لا ااضعف واحملها لانها فعلا ملهيييه عن بيتي وعيالي وشغلي والاهم من ذا كله تشغل والله حتى من الصلاه والعباده يااااشيخه بلا واتس بلا سناب بلا هممم عشنا احلى عيشه قبل نعرفها ومن عرفناها تشتت الاسر تباعدت حتى قلوبهم تجلسين مع خوانك وخواتك بدال مايسولفون معاك ويخففون همومك تلاقينهم مشغولين بالبعيد وتاركين اللي قريب منهم انا دايم انصح بالأبتعاد عنها وش منها غير الاشاعات والشغله بتقولين كثرتي الكلام نصيحتي لك تزوجي متزوج بس بشرط اسالي بدقه عن سبب زواجه وحاولي مايكون صغير بالسن كثير واسالي عن شخصيه زوجته الأولى لانها بتاثر عليه ولا تعتمدين على مصدر اسالي كثير والله يوفقك واذا تزوجتي خلفي باذن الله ولا تستخدمين موانع حمل خليه يجيك باذن الله بنات وعيال يعوضونك ويلتفون حولك اذا كبرتي ووفقك الله وبارك لك وفيك
- طيب والسؤال يعني اذا اشتكتي لاحد من اهل بيتك الان عن شي وهم الان يسمعونك يبي ينفعونك بشي ؟ لا طبعا فإن ضاق صدرك اشكي همك لله وامك ما تدرين عنها يمكن فيها من الهموم الي يكفيها وتقولين ما تسولف ما ما طيب هذاها لا سولفت بلي تعرف تسولف فيه تتضايقين منها ايش تبينها تسوي يعني الله يهديك وهذاكم تطلعون يوم تقولين مره طلعنا مع صديقتها كيف تقولين ما تطلعون
في القلب دكراهم طيب والسؤال يعني اذا اشتكتي لاحد من اهل بيتك الان عن شي وهم الان يسمعونك يبي ينفعونك بشي ؟ لا طبعا فإن ضاق صدرك اشكي همك لله وامك ما تدرين عنها يمكن فيها من الهموم الي يكفيها وتقولين ما تسولف ما ما طيب هذاها لا سولفت بلي تعرف تسولف فيه تتض…
بعدين مو انا اللي ملاحظه الكل ملاحظ انشغالها
واذا على الطلعه مره كل كم شهر نطلع
يمر خميس وراى خميس وراى خميس مانطلع
ماعندنا جمعات الناس تجتمع وتطلع وحنا بالبيت
صديقتها ذي يمكن لنا اكثر من سنه ماشفناها
حتى هي تضايقه
بعدين انا كاتبه موضوع ابي افضفض تبي تقلبين علي
بعدين متى سولفت اجلس معها بالساعات ماتنطق حرف واحد
واذا مسكت التلفون تجلس بالساعات تسولف
لو اتكلم عن حظي دقيقه انقلبت علي
انا عايشه ومجربه بس مايحس بحر الجمر الا واطيها
ماجربتي وتعايشتي مع احد يهمشكجنوبية25 صراااااااحه انا اكررره هالحركات لا تزعلين مني بس انا الواتس حذفته وجوالي الجلاكسي بعته وشريت نوكيا القديم عشان هالبرامج لا ااضعف واحملها لانها فعلا ملهيييه عن بيتي وعيالي وشغلي والاهم من ذا كله تشغل والله حتى من الصلاه والعباده يااااشيخ…
عارفه قبل تطلع هالبرامج كنا عايشين احلى وافضل
انا اذا احتديت يمكن اواافق عشان ارتاح من عشيتي
عاد كثير يقولون وحيده بس مانشوفك مدلعه
الله يرحم حالي- يا حليلك انتي عايشه معي عشان تدرين عن الي جربته والي ما جربته وبعدين انا ما قلبت عليك انا قلت لك حلك انه تشكين لله همومك امك يمكن فيها الي مكفيها لانها بشر مثلك حتى هي ممكن مهمومه من شي وانتي ما تدرين عنها وبعدين دوري لك حلول تعرفي على جيرانكم حاولي انه تجمعين اخوانك على قهوه او شاهي وسوي الاكل وناديهم الخ من الحلول الي يمكن ايه ويمكن لا انه تقرب اخوانك لبعض وتقعدين معهم
مواضيع مشابهة
تابعي تجارب أخرى من هذا القسم.