انا صاحبه موضوع زوجي مايمتعني بمتع الحياه

السلام عليكم ورحمه الله وبركاته




اخواتي والله اني من بعد ماقرأت بعض الردود ماخفيكم اني زادت حالتي النفسيه سوء واسودت الدنيا في عيني جلست افكر كثير واعيد وازيد واقرأ بعض من الردود ماخفيكم ان بعضها مثل الصفعات على وجهي ولاكن فعلا حسيت اني صحصحت وفقت واتخذت قرار وتحدي بيني وبين نفسي اني ابدا التغير مع زوجي وطريقتي معاه .. اول شي سويته كلمت امي عن حياتي ومشاكلي معاه وطريقته معايا وارسلت لها رابط الموضوع وقرأته وقرأت الردود في البدايه زعلت وحقدت عليه وسبسبت ولعنت فيه حزنت عليه وعلى حالي وبدأت تهديني وتصبرني وهذا زوجك سترك وغطاك وانتي عندك بنت اتغيري معاه عشان يتغير معك خليك قويه واذا مره ثانيه قلك روحي انتي عند اهلك قولي طيب وماعليك صح انه راسه يابس ويمكن يخليك تطولين لاكن خليه يشيل من راسه انه اذا جابك عند اهلك معناته يأدبك بالعكس انتي مبسوطه عند اهلك وماعليك قاصر ..




ثاني شي تغيرت معاه قلبت عليه ماعطيه وجه واعامله برسميه والله غصبا عني بس سرت لمن اطالع وجهه اتذكر ملامحه وهو يهددني ويطالعني بنظرات حقد واكرهه صرت انفر منه ..




ثالث شي صارت لي شغله امس جاني وانا تعبانه مريضه يقولي بكرا سوي عشاء واطبخي لحم ورز ل اخواني وحريهم بعزمهم عندي عشان واحد من اخوانه رجع من شهر العسل ورفضت لاني تعبانه وماعندي قدر كبير يكفي وقال انتي تتعذرين وقلب عليه كالعاده وسوالي مشكله بعدين تكلمنا وقام يهدد ويقول خلي اهلك يعلموكي روحي عند اهلك تتعلمين كيف تطبخين قلت طيب عادي وديني وقام لف الهرجه وصار يهدد ويقول انا اورييك يا فلانه انا اوريك وراح وجا بعدها وقال روحي اسالي امك ولا ابوك وقولي لهم زوجي يبيني اسوي عشا وانا اتعذر واقول ماعندي قدر وماعرف اطبخ في قدر صغير قلت طيب بكلمه واشوف وانصدم ولف الهرجه واخر شي قال اشوفك صرتي قويه وتستقوين عليه ماعدتي تخافين المهم قال الله يصبرني عليك وراح نام في المجلس